Река вдоль границы с Афганистаном, архивное фото - Sputnik Тоҷикистон, 1920, 07.07.2021
Марзи Тоҷикистону Афғонистон: ҳоло чӣ рух дода истодааст?
Охирин хабару назарҳо дар мавриди вазъи марзи Афғонистон бо кишварҳои Осиёи Марказӣ дар ин пайванд гирд гирд оварда шудаанд

Толибон* аз забти маркази Бадахшон хабар доданд

© REUTERS / JALIL AHMAD Бывшие моджахеды держат оружие, чтобы поддержать афганские силы в их борьбе против талибов
 Бывшие моджахеды держат оружие, чтобы поддержать афганские силы в их борьбе против талибов - Sputnik Тоҷикистон, 1920, 11.08.2021
Ҷангҷӯёни Толиб* иддао доранд, ки манотиқи шимолу шарқии Бадахшони Афғонистонро таҳти назорат доранд
ДУШАНБЕ, 11 авг — Sputnik. Толибон* гуфтанд, ки вилояти Бадахшонро ишғол кардаанд, хабар медиҳад РИА Новости.
Намояндаи Толибон* мегӯяд, пойтахти ин вилоят шаҳри Файзободро таҳти назорат гирифтаанд.
Дар ин хабарнома қайд мешавад, ки Толибон* маъмурияти шаҳр, ситоди пулис, агентии истихбороти маҳаллӣ ва дигар муассисаҳоро забт кардаанд.
Министр обороны РФ, генерал армии Сергей Шойгу - Sputnik Тоҷикистон, 1920, 11.08.2021
Шойгу аз СПАД даъват кард, ки ба ҳуҷуми ҷангиён аз Афғонистон омодагӣ гирад
Оҷонсии маҳаллии Pajhwok бо истинод ба як манбаъи худ хабар дод, ки ҷангҷӯён қариб ҳамаи манотиқи вилояти Бадахшон, аз ҷумла пойтахти онро таҳти назорат гирифтанд ва нерӯҳои амниятии ҳукумат ақибнишинӣ кардаанд.
Як вакили парлумони маҳаллӣ ба хабаргузории Франс Пресс тасарруфи шаҳрро аз ҷониби ҷангиён, тасдиқ кард.

"Шаби гузашта нерӯҳои амниятӣ, ки бо Толибон* меҷангиданд, ба муноқишаи шадид дучор шуданд. Толибон* шаҳрро ишғол карданд. Ҳарду ҷониб талафоти зиёд доранд", - гуфт ӯ.

Пештар хабар расид, ки чанд пойтахти вилоёти Афғонистон таҳти назорати ҷангиён гузаштанд.
Тарасов: дар Афғонистон ҳамаи нишонаҳои ҷанги шаҳрвандӣ вуҷуд доранд
Ба гуфти Толибон*, ин нӯҳумин маркази вилоят аст, ки тайи се рӯзи охир таҳти назорати онҳо қарор гирифтааст.
Дар ҳамин ҳол, Сергей Шойгу, вазири дифои Русия аз кишварҳои СААД даъват кард, ки ба ҳуҷуми ҷангиён аз Афғонистон омодагӣ гиранд.
* созмони мамнӯъ дар Тоҷикистон, Русия ва дигар кишварҳо
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала