Дар Душанбе кишварҳои узви СҲШ масъалаи энергетикиро баррасӣ карданд

© SutnikМинистр энергетики и водных ресурсов Таджикистана Далер Джума,
Министр энергетики и водных ресурсов Таджикистана Далер Джума, - Sputnik Тоҷикистон, 1920, 12.08.2021
Дар шаҳри Душанбе ба таври маҷози нахустин вохӯрии вазирони энергетикаи кишварҳои узви СҲШ баргузор гардид
ДУШАНБЕ, 12 авг – Sputnik. Дар шаҳри Душанбе нахустин вохӯрии вазирони энергетикаи кишварҳои узви Созмони ҳамкории Шанхай дар шакли маҷози баргузор шуд, дафтари матбуоти вазорати энергетика ва захираҳои оби Тоҷикистон.
Манбаъ хабар додааст, ки Далер Ҷумъа, вазири энергетика ва захираҳои оби Тоҷикистон зимни мулоқот қайд кардааст, ки сарфи назар аз пандемияи коронавирус, кишварҳои СҲШ ҳамкориро дар бахши энергетика идома медиҳанд.
“Фазои СҲШ — маҷрои бузурги энергетикӣ мебошад, ки дар доираи он миқдори зиёди неруи барқ истеҳсол, истеъмол ва интиқол дода мешавад. Ин иқтидор бояд барои пурра қонеъ гардонидани эҳтиёҷоти пайваста афзояндаи кишварҳои узви СҲШ истифода шавад”,- гуфта шудааст дар ин ҷаласа.
Ҳамзамон дар ҷаласаи мазкур вазъ ва дурнамои рушди ҳамкорӣ дар бахши энергетикии кишварҳои узви СҲШ, лоиҳаи Консепсияи ҳамкории кишварҳои узви СҲШ дар бахши энергетика, таъсиси Гурӯҳи кории кишварҳои узви СҲШ оид ба энергетика баррасӣ шуд.
Президент РФ В. Путин принимает участие в заседании Совета глав государств – членов ШОС в Бишкеке - Sputnik Тоҷикистон, 1920, 10.08.2021
Ҷаласаи вазирони кишоварзии кишварҳои узви СҲШ дар Душанбе баргузор мегардад
Гуфта шудааст, ки ҳамгироии сарчашмаҳои гуногуни энергия ва таъмини кори мувозии системаҳои энергетикӣ, табодули дониш дар соҳаи электроэнергетика, такмили заминаи истеҳсолии комплекси сӯзишворию энергетикӣ, таъсиси иқтидорҳои нави энергетикӣ бо назардошти тавозуни энергетикии кишварҳои узви СҲШ, ҳамкорӣ дар шароити буҳрони сӯзишворӣ — энергетикӣ, таҳияи равишҳои нав дар соҳаи самаранокии энергия ва сарфаи энергия бо назардошти таҷрибаи кишварҳои гуногун ба сифати самтҳои асосии ҳамкорӣ номида шуданд.
Бояд қайд кард, ки дар ин ҷаласа намояндагони вазорату идораҳои кишварҳои узви СҲШ, ки барои ҳамкорӣ дар бахши энергетика масъуланд ва Котиботи СҲШ иштирок доштанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала