Ҳушдори вазорати меҳнат ба муҳоҷирон: то 30 сентябр буду бошатонро дар Русия қонунӣ кунед

Обуна шудан
Вазорати меҳнат таъкид доштааст, ки расмикунонӣ дар Русия то 30 сентябри соли равон идома меёбад
ДУШАНБЕ, 13 авг – Sputnik. Намояндагии Вазорати меҳнат, муҳоҷират ва шуғли аҳолии Тоҷикистон дар Русия оид ба муҳоҷират ба шаҳрвандони Тоҷикистон – муҳоҷирони меҳнатӣ иттилоъ додааст, ки расмикунонии муҳоҷирони меҳнатӣ барои иқомат дар кишвари будубош ва иҷозати фаъолияти меҳнатӣ идома дорад.
Манбаъ ёдрас шудааст, ки тибқи aaармони Президенти Русия аз 15 июни соли 2021, муҳлати будубош ва расмикунонӣ дар Русия то санаи 30 сентябри соли 2021 тамдид карда шуд.
гуфта шудааст, ки муҳоҷирони меҳнатӣ, ки дар давраи пандемияи ҳамагири ҷаҳонӣ натавонистанд фаъолияти худро расман ба қайд бигиранд ва натавонистанд, ки маблағи муайяншуда барои ҳақи иҷозати фаъолияти меҳнатиро пардохт намоянд, тибқи санади мазкур то санаи 30 сентябри соли 2021 метавонанд ба шуъбаҳои кор бо муҳоҷиратии ноҳиявии худ муроҷиат намуда, расман худро ба қайд гирифта, дубораи ба мақомотҳои марбутаи иҷозатномадиҳии фаъолияти корӣ муроҷиат намоянд.
Сдача мигрантами экзамена по русскому языку - Sputnik Тоҷикистон, 1920, 01.08.2021
Қоидаҳои нав: аз 1 август дар Русия барои муҳоҷирон чӣ тағйир меёбад
“Ҳамзамон, дар доираи фармони мазкур шаҳрвандони Тоҷикистон – муҳоҷирони меҳнатӣ, ки солҳои тулонӣ фаъолияти худро расман ба қайд нагирифтаанд, метавонанд ба шуъбаҳои муҳоҷиратии ноҳияи худ муроҷиат намуда, баъд аз ҷаримаи муайншудаи мақомоти давлатӣ расман худро ба қайд бигиранд”, - таъкид доштааст манбаъ.
манбаъ ёдрас шудааст, ки муҳлати будубош ва расмикунонӣ дар Русия барои муҳоҷирони меҳнатӣто санаи 30 сентябри соли 2021 эътибор дорад.
“Пас аз 30 сентябри соли равон шаҳрвандоне, ки расман ба қайд гирифта нашудаанд аз кишвари иқомат ихроҷ карда мешавад”, - қайд кардааст Намояндагии Вазорати меҳнат, муҳоҷират ва шуғли аҳолии Тоҷикистон дар Русия.
Намояндагии Вазорати меҳнат иттилоъ додааст, ки дар ҳолати пайдо шудани мушкилӣ барои расмикунонӣ дар давлати иқомат муҳоҷирони меҳнатӣ метавонанд ба намоянжагӣ муроҷиат намоянд.
Лентаи хабарҳо
0