Суқути боз ду шаҳри бузурги Афғонистон ба дасти Толибон*

© REUTERS / JALIL AHMAD Бывшие моджахеды держат оружие, чтобы поддержать афганские силы в их борьбе против талибов
 Бывшие моджахеды держат оружие, чтобы поддержать афганские силы в их борьбе против талибов - Sputnik Тоҷикистон, 1920, 13.08.2021
Ишғоли шаҳрҳову вилоятҳои Афғонистон аз сӯи ҷангҷӯёни гурӯҳи Толибон* идома доранд: артиши кишвар тамоми таҷҳизоту силоҳро ба дасти Толибон* гузошта аз майдони ҷанг фирор дорад
ДУШАНБЕ, 13 авг — Sputnik. Шаби гузашта ҷонибдорони ҷунбиши тундгарои Толибон*, ду шаҳри бузурги Афғонистонро таҳти назорати худ гирифтанд, иттилоъ додааст Associated Press ва AFP.
Ҳамин тариқ, ҷангҷӯёни Толибон* Қандаҳор, маркази вилояти ҳамномро зери назорати худ гирифтанд. Ба иттилои АP, мақомоти маҳаллӣ барои тарк кардани шаҳр ба фурудгоҳ фирор кардаанд. Баъзе аз низомиён ба ҷангҷӯёни Толиб* таслим шуданд. Силоҳ, муҳимоти ҷангӣ ва мошинҳои мондашуда ба дасти Толибон уфтоданд.
Худи ҷангҷӯён дар шабакаҳои иҷтимоӣ забти Қандаҳорро эълон карданд.
Сухангӯи Толибон* гуфт: "Дуввумин шаҳри бузурги кишвар Қандаҳор низ зери контроли Аморати исломӣ аст".
Встреча глав МИД РФ и Афганистана С. Лаврова и Х. Атмара - Sputnik Тоҷикистон, 1920, 11.08.2021
Вазири хориҷаи Афғонистон аз ҷомеаи ҷаҳонӣ хост ба Толибон* фишор биёранд
Дар ҳоли ҳозир, ҷангҷӯён идораи волӣ, ситоди нерӯҳои амниятӣ ва дигар ниҳодҳои муҳимро таҳти назорати худ гирифтанд.
Илова бар ин, ҷангҷӯён аз забти пойтахти вилояти Ҳилманди Афғонистон шаҳри Лашкаргоҳ низ хабар доданд.
Як мақоми амниятӣ гуфт: "Шаҳр суқут кард. Дар бораи оташбаси 48-соата ва баровардани артиш ва мансабдорон ин минтақа созиш ҳосил шуд".
Ҷангҷӯён иддао доранд, ки онҳо иншооти шаҳрро, ки қаблан дар ихтиёри мақомот буданд, забт кардаанд.
Председатель Высшего совета национального примирения Афганистана Абдулла Абдулла - Sputnik Тоҷикистон, 1920, 10.08.2021
Афғонистон ва қудратҳои ҷаҳонӣ бо Толибон* дар Доҳа гуфтушунид мекунанд
Толибон* гуфтанд, ки аз охири ҳафтаи гузашта ҷангҷӯён даҳ марказҳои маъмурӣ аз 34 музофотро ишғол карданд. Аз ҷумла онҳо шаҳрҳои Заранҷ, Пули Хумрӣ, Ғазнӣ ва инчунин Қундузро, ки дар 60 километрии наздикии марзи Тоҷикистон аст, таҳти контроли худ гирифтанд.
Мақомоти Афғонистон иддао доранд, ки бархе аз шаҳрҳоро дубора бозпас гирифта шудааст, вале даргириҳо то имрӯз идома доранд.
Эзоҳ: Толибон* - ташкилоти террористие, ки фаъолияташ дар Русия, Тоҷикистон ва як қатор кишварҳои дигар манъ карда шудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала