Музокироти Эрону Саудӣ барои бозкушоии сафоратхонаҳо: суҳбати сафир

© Sputnik / Алексей ДаничевМужчины с портфелем в руке. Архивное фото
Мужчины с портфелем в руке. Архивное фото - Sputnik Тоҷикистон, 1920, 16.08.2021
Сафири Эрон дар Ироқ аз музокироти байни Эрону Арабистон барои бозгушоии сафоратхонаҳо дар қаламрави ҳамдигар гуфт
ДУШАНБЕ, 16 авг — Sputnik. Эраҷи Масҷидӣ, сафири Эрон дар Ироқ мегӯяд, гуфтушунидҳо бо мизбонии Бағдод сурат гирифта, изҳори умед кардааст, ки ин музокирот дар марҳилаи баъдӣ низ идома меёбанд.
Сафир дар суҳбат бо шабакаи Алъолам иттилоъ дод, ки чанд давр аз гуфтугӯҳо байни Эрону Арабистон дар Ироқ баргузор шуд ва ин гуфтгӯҳо муваққатан ба иллати интиқоли давлат дар Эрон мутаваққиф шудаанд, навиштааст "Парстудей" бо такя ба ИРНА.
"Музокирот шомили бозгушоии сафоратхонаҳои ду кишвар шуд ва умедворем дар даврҳои баъдӣ гуфтугӯ ба натоиҷи мусбате бирасад", - таъкид намуд Масҷидӣ.
Ба гуфтаи сафири Эрон дар Бағдод, пас аз хурӯҷи нерӯҳои амрикоӣ дар бахши амниятӣ кишварҳои минтақа бояд омода бошанд, ки масъулияти таъмини ҳимояти лозим аз амнияти минтақаиро ба ӯҳда бигиранд . Масҷидӣ таъкид кард, ки Теҳрон ошкоро ҳар гуна ҳузури Амрико дар минтақа ва ба вижа дар Ироқро рад мекунад.
Принц Саудовской Аравии М. ибн Салман Аль Сауд - Sputnik Тоҷикистон, 1920, 30.04.2021
Арабистони Саудӣ бо Эрон дӯст мешавад?
Масҷидӣ ҳамчунин таъкид намудааст, ки Теҳрон аз ҳеч шахс ё ҳизби ироқӣ дар муқобили ҳизби дигар дар интихоботи порлумонии оянда ҳимоят нахоҳад кард.
"Эрон муносиботи густардае бо ҳамаи ҷараёнҳо ва аҳзоб дошта ва дорад ва ин амрро дар сафарҳои гуногуни масъулони ироқӣ ба Эрон мушоҳида мекунед", - далел овардааст Эраҷи Масҷидӣ.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала