Ӯзбекистон ҳавопаймои низомии Афғонистонро зимни марзшиканӣ зад

© Sputnik / Максим Григорьев/ТАСС/POOL / Гузаштан ба хазинаи аксМесто крушения самолета, архивное фото
Место крушения самолета, архивное фото - Sputnik Тоҷикистон, 1920, 16.08.2021
Ҳавопаймои Афғонистон зимни убури марзи Ӯзбекистон ҳадафи зарба қарор гирифтааст
ДУШАНБЕ, 16 авг — Sputnik. Ҳавопаймои нерӯҳои ҳавоии Афғонистон ҳадафи зарбаи нерӯҳои мудофиаи ҳавоии Ӯзбекистон қарор гирифтааст, хабар дод РИА Новости бо такя ба Вазорати мудофиаи Ӯзбекистон.
Ин зарба дар пайи қасди ҳавопаймо барои убури марзи Ӯзбекистон андешида шуд.
"Дар ноҳияи Шерободи вилояти Сурхондарё нерӯҳои мудофиаи ҳавоӣ аз қасди убури ғайриқонунии марз аз сӯи ҳавопаймоии низомии Афғонистон ҷилавгирӣ намуданд", - хабар доданд дар ин ниҳод.
Самолет Airbus в небе - Sputnik Тоҷикистон, 1920, 16.08.2021
Низомиёни афғон ба хоки Тоҷикистон фуруд омаданд
Қаблан аз суқути ҳавопаймои ҳамлагари A-29 Super Tucano дар марз бо Афғонистон хабар дода шуд. Дар шабакаҳо наворҳо аз ҷои ҳодиса нашр шуданд, ки дар он шикастапораҳои ҳавопаймо ва халабонҳо сабт шудаанд. Ба халабонҳои маҷруҳ кумаки тиббӣ расонда шуда, ду нафарашон дар беморхона бистарӣ гардидаанд.
Ин дар ҳолест, ки ахиран Толибон* қисмати калони Афғонистон, аз ҷумла Кобулро ишғол карданд ва раисиҷумҳури пешини он Ашраф Ғанӣ фирор намуд. Гуфта мешавад, ки Ғанӣ ба Оман фирор кардааст, аммо расман ин иттилоъ тасдиқ нашудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала