Река вдоль границы с Афганистаном, архивное фото - Sputnik Тоҷикистон, 1920, 07.07.2021
Марзи Тоҷикистону Афғонистон: ҳоло чӣ рух дода истодааст?
Охирин хабару назарҳо дар мавриди вазъи марзи Афғонистон бо кишварҳои Осиёи Марказӣ дар ин пайванд гирд гирд оварда шудаанд

"Агар метавонӣ, биё!" Аҳмад Масъуд Ғаниро ба Панҷшер хонд

© AP / Rahmat GulБывший президент Афганистана Ашраф Гани
Бывший президент Афганистана Ашраф Гани - Sputnik Тоҷикистон, 1920, 21.08.2021
Ҳанӯз ҳашт моҳ пеш аз Ашраф Ғанӣ даъват шуда буд, ки ба дараи Панҷшер ояд
ДУШАНБЕ, 21 авг — Sputnik. Аҳмад Масъуд, раҳбари муқовимати миллии Афғонистон, аз Ашраф Ғанӣ, президенти фирории Афғонистон хостааст, ки ба дараи Панҷшер ояд.
Яке аз мушовирони ӯ дар таъйиди ин хабар ба Sputnik Тоҷикистон гуфт, дар ҳоли ҳозир дар Афғонистон фақат Аҳмад Масъуд муддаии ин аст ва ин паёмро медиҳад, ки мо довталабона қудратро ба “Толибон”* таслим накардаем.
Ин як гурӯҳи ишғолгар, ғосиб ва муздуру олати дасти бегона аст, мо як тими интихобӣ ва мардумӣ будем, бо як интихоботи нимбанд ба саҳна омада будем, ҳанӯз машруъияти сиёсӣ аз мо ҳаст ва аз ғасби қудрат розӣ нестем.
"Ҳеҷ баъид нест, ки доктор Ашраф Ғанӣ ҳам пушаймон шуда аз рафтанаш, барбигардад. Мо ӯро 8 моҳ пеш дар Арки раёсатиҷумҳурӣ гуфта будем, ки биё, биравем Панҷшер. Он вақт наомад. Ҳоло ҳам барояш гуфтем, ки дарҳои Панҷшер барои ту боз аст, агар метавонӣ, биё. Ғанӣ ҳамоно як раисҷумҳури мунтахаб ва аз сӯи ҷомиаи байнулмилалӣ эътирофшуда аст”, - гуфт ӯ.
Қаблан Амруллоҳ Солеҳ, муовини аввали президент Ашраф Ғанӣ Аҳмадзай, аз водии Панҷшер эълон карда буд, ки тибқи Сарқонунии феълии Афғонистон, дар ҳоли маризӣ, фирор ва ё марги президент ваколату масъулиятҳои ӯ ба муовини аввал мегузарад ва азбаски Ашраф Ғанӣ ба хориҷи кишвар фирор кардааст, ӯ сарпараст ё иҷрокунандаи вазифаҳои ӯ хоҳад буд.
Вице-президент Афганистана Амрулла Салех - Sputnik Тоҷикистон, 1920, 18.08.2021
Марзи Тоҷикистону Афғонистон: ҳоло чӣ рух дода истодааст?
Сафири Русия дар бораи пуштибонӣ наёфтани Солеҳ ва нақшаи Толибон* дар Панҷшер
Дар ҳамин ҳол, мушовири Аҳмад Масъуд гуфт, Амруллоҳ Солеҳ, муовини аввали раисҷумҳур аст, аммо таҳти фармони Ҳоҷӣ Аҳмади Масъуд кор мекунад.
"Агар ташкилот ё кобинаи нав дар оянда ҷӯр шавад, аз сӯи Аҳмади Масъуд хоҳад шуд. Маъно ва мафҳуми эълони Амруллоҳ Солеҳ ин аст. Маънояш ин нест, ки ин ҷо як ҳукумати дигар ҷӯр мекунад. Ҳукумати ояндаро Ҳоҷӣ Аҳмади Масъуд таъйин мекунад, зеро танҳо ӯ ба ҳимоят аз ин низом дар саҳна мондааст. Раисҷумҳури ояндаи Афғонистон низ бояд тибқи қонун аз роҳи интихобот интихоб мешавад”, - гуфт ӯ.
Ахмад Масуд, сын покойного афганского полководца Ахмад Шаха Масуда - Sputnik Тоҷикистон, 1920, 18.08.2021
Аҳмад Масъуд нақшааш барои ояндаи Афғонистонро гуфт: тақсими одилонаи сарвату қудрат
Дар ду моҳи гузашта “Толибон”* муваффақ шуд 33 вилояти Афғонистонро таҳти тасарруфи худ дароварда, низоми Иморати исломии Афғонистонро эълон карданд.
Танҳо вилояте, ки боқӣ монда, аз низоми Ҷумҳурии исломии Афғонистон ҳимоят мекунад, Панҷшер аст.
* - ”Толибон” – ҳаракати мамнуъ дар Тоҷикистону Русия.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала