Боздиди Ҷабборов аз маҳалҳои осебдида дар муноқишаи марзӣ бо Тоҷикистон

© POOL / Гузаштан ба хазинаи аксПрезидент Кыргызстана Садир Жапаров
Президент Кыргызстана Садир Жапаров - Sputnik Тоҷикистон, 1920, 27.08.2021
Содир Ҷабборов, раисиҷумҳури Қирғизистон, феълан дар вилояти Бодканд, ҳаммарз бо Тоҷикистон қарор дорад
ДУШАНБЕ, 27 авг – Sputnik. Содир Ҷабборов зимни сафараш ба Бодканд аз маҳаллаҳое боздид намуд, ки дар даргирии мусаллаҳонаи марзӣ бо Тоҷикистон зарар дида буданд.
Раисиҷумҳури Қирғизистон дар деҳаи Мақсад бо сохтмони иншооти иҷтимоӣ шинос шуда, аз ҷумла аз бинои навбунёди милиса, нуқтаи тиббӣ, мактаб ва майдони футбол боздид кард.
"Ба раисиҷумҳур иттилоъ доданд, ки деҳа бо таъмин гардида, 11 километр роҳ асфалтпӯш шудааст. Кӯчаҳо чароғон шуда, интиқоли оби гарму хунук ба кӯдакистони бунёдшаванда идома дорад", - навиштааст дафтари матбуоти раисиҷумҳури Қирғизистон.
Дар майдони нави футбол Ҷабборов шахсан бо аъзои тими наврасони маҳаллӣ бозӣ кардааст.
Тақдими хонаҳо ба сокинони аз муноқишаи марзӣ зарардидаи деҳаҳои Сомониёни ва Хоҷаи Аълои ҷамоати Чоркӯҳи Исфара - Sputnik Тоҷикистон, 1920, 02.07.2021
То сӯзану ришта: тақдими пурраи хонаҳо ба сокинони зарардидаи муноқишаи марзӣ - акс
Вазъ дар марзи Тоҷикистону Қирғизистон 28 апрел дар пайи як баҳс сари дарғоти “Головной” шиддат гирифта, 29 апрел ба даргирии мусаллаҳона миёни низомиёни ду кишвар печид.
Теъдоди қурбониён бар асари ин ҳодиса аз ҳар ду тараф беш аз 55 нафарро ташкил медиҳад. Мақомоти Тоҷикистон гуфтанд, ки дар пайи муноқишаи мусаллаҳонаи марзӣ 87 тан захмӣ шуда, 19 нафар ба ҳалокат расидаанд. Қирғизистон аз ҳалокати 36 шаҳрвандаш дар ин даргирӣ хабар дод. Мақомоти Тоҷикистону Қирғизистон дар оғози ин даргирӣ ҳамдигарро муттаҳам мекунанд.
Дар пайи гуфтушуниди ҷонибҳо ва суҳбатҳои роҳбарони ду кишвар тирпарронӣ қатъ гардида, вазъ ба эътидол омад. Феълан гуруҳи байниҳукуматии Тоҷикистону Қирғизистон барои мушаххассозии сарҳад кор мекунанд.
Ин ду кишвар беш аз 980 километр марзи муштарак доранд, ки танҳо 520 километри он аломатгузорӣ шудааст. Номуайянӣ дар марз то ин вақт борҳо боиси муноқиша шудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала