Дуздии оҳанпора ба маблағи 1,7 миллион сомонӣ

© Sputnik / Александр Кондратюк / Гузаштан ба хазинаи аксСбор металлолома. Архивное фото.
Сбор металлолома. Архивное фото. - Sputnik Тоҷикистон, 1920, 27.08.2021
Наврас ва ҷавони 23-солае дар дуздии оҳанпораҳо ба маблағи наздик ба 1 миллиону 700 ҳазор сомонӣ муттаҳам мешавад
ДУШАНБЕ, 27 авг — Sputnik. Вазорати умури дохилии Тоҷикистон мегӯяд, тайи қариб ним сол аз корхонаи оҳангудозӣ дар ноҳияи Рӯдакӣ ашёи хом дуздида шудааст.
Ба иттилои ВУД, ба идораи милиса дар ноҳияи Рӯдакӣ, мудири корхонаи “Оҳангудозии Тоҷикистон” муроҷиат карда, арз доштааст, ки аз 14-уми марти соли 2021 то 26-уми августи соли 2021, шахсони номаълум бо роҳи пинҳонӣ аз корхонаи мазкур ашёи хоми зиёд дуздидаанд.
Ба гуфтаи муроҷиаткунанда, аз корхона, ки дар деҳаи Қарияи камари ҷамоати деҳоти Чоргултеппаи ноҳияи Рӯдакӣ ҷойгир аст, дар маҷмӯъ ҳудуди 79 ҳазор килограмм маҳсулоти ашёи хом ва 200 килограмм сими мисӣ дуздида шудаст.
Таджикский алюминиевый завод Талко - Sputnik Тоҷикистон, 1920, 14.07.2021
Дуздӣ дар ширкати "Талко": ғоратгарон худи кормандони ин корхона буданд
Дар иттилоияи нашркардаи ВУД Тоҷикистон зарари расонидашуда 1 миллиону 699 ҳазор сомонӣ арзёбӣ шудааст.
Манбаъ афзуд, ки маъмурини милиса дар пайи гузаронидани чорабиниҳои оперативӣ-ҷустуҷӯӣ ҷавони 23 ва ноболиғи 17-сола, сокинони ҷамоати деҳоти Навбаҳори ноҳияи Кӯшониён бо гумони содир намудани ҷинояти дуздӣ дастгир кардаанд.
ВУД мегӯяд, феълан аз рӯи ин ҳодиса тафтишот идома дорад. Назари худи муттаҳамон дар бораи ин қазия маълум нест.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала