Нафаре, ки ҳангоми ҳамлаи ҳавоии Амрико дар Кобул кушта шуд бо амрикоиҳо ҳамкорӣ мекард

© Sputnik / Стрингер / Гузаштан ба хазинаи аксПоследствия ракетного обстрела в Кабуле
Последствия ракетного обстрела в Кабуле - Sputnik Тоҷикистон, 1920, 31.08.2021
Низомии афғон Носир Наҷробӣ, ки дар ҳамлаи ҳавоии ИМА кушта шуд, бо амрикоиҳо ҳамкорӣ мекард ва қасд дошт ба Иёлоти Муттаҳида кӯч бандад
ДУШАНБЕ, 31 авг – Sputnik. Дар ин бора ба РИА Новости бародари хурдии афсари афғон Носир Наҷробӣ гуфтааст.
Тавре бародараш гуфтааст, Наҷробии 29-сола тақрибан даҳ сол дар артиш хидмат кардааст ва ҳамчунин бо нерӯҳои вижаи ИМА кор мекард. Вақте ки Толибон* дар Афғонистон ҳамлаҳои густардаро оғоз карданд, вай дар вилояти Қандаҳор хидмат мекард. Наҷробӣ се рӯз пеш аз вуруди ҷангҷӯёи Толибон ба Қандаҳор ба шаҳр ба пойтахт кӯчид.
Ба гуфтаи бародараш, Носир аз забти Кобул метарсид ва маҳз ба ҳамин хотир ба Уобул омада буд то аз инҷо ба Иёлоти Муттаҳида равад; ӯ аллакай ба омода намудани санадҳояш оғоз карда буд.
Вақте ки дар пойтахт таркиш рух дод, ин афсари афғон дар саҳни хонаи амакаш буд. Дар берун боз ҳашт ҷияни ӯ, ки синнашон аз 2 то 18-сола буд, буданд ва ҳамаашон кушта шуданд.
Боевики Талибана патрулируют район Вазир Акбар Хан в городе Кабул, Афганистан - Sputnik Тоҷикистон, 1920, 31.08.2021
Толибон* ба интихоботи Фаронса ва Олмон дахолат карданд
Бародар Наҷробӣ гуфт, ки охирин бор суҳбати онҳо шаби пеш аз фоҷиа сурат гирифт - онҳо дар бораи тӯйи ояндаи Носир суҳбат карданд.
"Иёлоти Муттаҳида дар Афғонистон шикаст хурд - ҳам дар сиёсат ва ҳам дар ҷанг. Ҳоло онҳо одамони бегуноҳро мекушанд", - гуфт бародари афсари кушташуда.
Дар пасманзари хуруҷи нерӯҳои амрикоӣ аз Афғонистон, ҳамлаҳои Толибон* шидат гирифт ва ҷангҷӯёни ин гурӯҳ ҳамаи шаҳрҳои бузургро ишғол карданд ва дар бораи анҷоми ҷанги бистсола эълон карданд; холо масъалаи механизми идоракунии давлат хал дар ҳоли баррасист. Панҷшер, дар шимолу шарқи пойтахт, ягона вилоятест, ки ба зери контроли Толибон* надаромадааст. Фурудгоҳи Кобул, ки нерӯҳои хориҷӣ онро тарк карданд, пурра таҳти назорати Толибон* қарор гирифт.
Забиулла Муджахид, Представитель движения Талибан - Sputnik Тоҷикистон, 1920, 31.08.2021
"Ҷанг намехоҳем": Толибон* дар бораи гуфтушунид бо Панҷшер
Ёдрас мешавем, ки як паҳподи амрикоӣ рӯзи якшанбе дар шаҳри Кобул як мошинро нишон гирифт. Ба гуфтаи низомиёни амрикоӣ, ӯ миқдори зиёди маводи тарканда дошт ва маҳз ба фурудгоҳ таҳдиди макард. Мувофиқи маълумоти CNN, дар ин амалиёти ИМА нӯҳ ғайринизомӣ, аз ҷумла шаш кӯдак кушта шуданд; Ал-Ҷазира аз 12 қурбонӣ хабар медиҳад.
* - созмони террористӣ, ки дар қаламрави Русия ва Тоҷикистон мамнӯъ аст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала