Модар ҳоло намедонад: фавти кӯдаки оилаи тоҷик аз сӯхтор дар Екатеринбург

© PixabayПожарные тушат огонь, архивное фото
Пожарные тушат огонь, архивное фото - Sputnik Тоҷикистон, 1920, 01.09.2021
Оташи мудҳиш ҷони як кӯдаки хурдсолро аз оилаи зодагони Тоҷикистон гирифт
ДУШАНБЕ, 1 сен — Sputnik. Фоҷиа шаби гузашта дар Екатеринбург дар СНТ "Железнодорожник" ба амал омад, хабар медиҳад нашрияи онлайнии "Е1.РУ Екатеринбург Онлайн".
Сӯхтор дар хонаи истиқоматии зодагони Тоҷикистон, ки бо оилааш зиндагӣ мекард, сар задааст. Падари 36 - солаи хонавода мехост бо писари наврасаш мустақилона оташро хомӯш кунад, аммо натавонист. Сӯхторнишонҳоро шоҳидони ҳодиса даъват кардаанд.
Дар натиҷа, падар ва писари калонӣ тавонистанд аз хонаи сӯхта берун раванд, аммо кӯдаки хурдӣ, писари шашсола натавонист ва ҷасади ӯро сӯхта берун оварданд.
Баҳодур Шарипов футболбози тоҷик - Sputnik Тоҷикистон, 1920, 13.07.2021
Марги нобаҳангоми футболбози тоҷик дар Русия
ВКД шарҳ дод, ки то ҳол ба модари писари фавтида дар бораи ин ҳодиса хабар надодаанд: вай барои нигоҳубини хешовандони бемораш ба Тоҷикистон рафтааст.
Ҳамчунин, сардори хадамоти матбуоти Сарраёсати ВКД дар вилояти Свердловск Валерий Горелих шарҳ дод, ки ин оила дар Шӯъбаҳои кор бо ноболиғон ба қайд гирифта нашудааст.
Ба иттилои манбаъ, мутахассисон аллакай корашонро дар ҷойи ҳодиса анҷом додаанд ва феълан муфаттишон аз рӯи ин қазия кор бурда истодаанд.
Гуфта мешавад, ҳоло се фарзияи рӯйдод баррасӣ карда мешаванд: расиши ноқилҳои барқӣ, аз ҳад зиёд гарм шудани печ дар ванна ё муносибати беэҳтиётии таҷҳизоти печҳо.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала