Сипосгузории Раҳмон аз Муродов ва Ҷурахонов: мактабу хобгоҳ сохтанду боз бунёд карданиянд

© Пресс-служба Президента Республики ТаджикистанЭмомали Рахмон с Рустамом Эмомали открыли школу №99 в Душанбе
Эмомали Рахмон с Рустамом Эмомали открыли школу №99 в Душанбе - Sputnik Тоҷикистон, 1920, 01.09.2021
Президенти Тоҷикистон Эмомалӣ Раҳмон аз соҳибкороне, ки дар шаҳри Душанбе мактаб ва хобгоҳ бунёд карданд изҳори сипос кард
ДУШАНБЕ, 1 сен — Sputnik. Дар шаҳру Душанбе бо иқдоми ду соҳибкор директори Ҷамъияти дорои масъулияти маҳдуди "Моҳир семент" Баҳриддин Ҷурахонов ва вакили шаҳрӣ, роҳбари Ҷамъияти дорои масъулияти маҳдуди "Сарманзил" Маҳмудҷон Муродов як мактаб ва хобгоҳ бунёд шуд, хабар медиҳад котиботи раисиҷумҳур.
Бино ба гузориши манбаъ, дар маросими ифтитоҳи ин ду иншоот президенти Тоҷикистон Эмомалӣ Раҳмон ва раиси шаҳри Душанбе Рустами Эмомалӣ ширкат карданд.
Гуфта мешавад, ки кишвардор ба соҳибкорон барои иқдоми созанда изҳори сипос кардааст ва онщо боз ваъда кардаанд, ки ду мактаби дигар дар пойтахт бунёд мекуннд.
Ин ду иншоот ба муносибати 30-солаги Истиқлоли давлатӣ бунёд шудаанд.

Мактаби №133

Ин мактаб дар маҳаллаи Меҳрободи ноҳияи Синои пойтахт аз тарафи соҳибкори ватанӣ — директори Ҷамъияти дорои масъулияти маҳдуди "Моҳир семент" Баҳриддин Ҷурахонов сохта шуда, аз 4 қисми ба ҳам пайвасти 4 ошёна иборат буда, барои 2 ҳазору 560 нафар хонанда дар ду баст пешбинӣ гардидааст.
Новая школа в Турсунзаде - Sputnik Тоҷикистон, 1920, 26.08.2021
Эмомалӣ Раҳмон дар шаҳри Турсунзода cе мактаб ифтитоҳ кард
Муассисаи таълимӣ дорои 68 синфхона иборат аст.
Эмомалӣ Раҳмон аснои шиносоӣ бо шароит ба сатҳу сифати корҳои сохтмонӣ баҳои баланд додааст.

Хобгоҳи Мактаб - интернати рақами 1

Ҳамчунин, дар ноҳияи Синои пойтахт бинои хобгоҳи Муассисаи давлатии таҳсилоти миёнаи умумии Мактаб- интернати рақами 1 барои кӯдакони ятим ва бепарастори шаҳри Душанбе бо ширкати президент ва раиси шаҳр ифтитоҳ шуд.
Бинои хобгоҳ барои 375 нафар бо иқдоми соҳибкори ватанӣ, вакили шаҳрӣ, роҳбари Ҷамъияти дорои масъулияти маҳдуди "Сарманзил" Маҳмудҷон Муродов сохта шудааст.
Манбаъ афзуда, ки иншооти навбунёд аз 4 ошёна ва таҳхона иборат буда, дар масоҳати 1 гектар замин қомат афрохтааст. Корҳои сохтмонӣ дар иншоот моҳи апрели соли 2019 оғоз гардида, дар муҳлати муайянгардида ба анҷом расонда шудааст.
Портфели - Sputnik Тоҷикистон, 1920, 28.07.2021
Ташкили “Мактаби Эмомалӣ Раҳмон”: довталабон аз рӯи кадом ихтисосҳо қабул мешаванд?
Бинои хобгоҳ аз 45 ҳуҷраи хоб, ҳуҷраҳо барои мураббиён, мудир, посбон ва дигар утоқҳои ёрирасон иборат аст.
Мактаб-интернати рақами 1 барои кӯдакони ятим ва бепарастор, ки яке аз калонтарин муассисаҳои таълимии ҷумҳурӣ ба ҳисоб меравад, соли 1972 дар заминаи “Мактаб-интернат барои кӯдакони ятим ва бепарастор” таъсис ёфтааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала