Оҳиста, кӯдакон: кормандони БДА -и Тоҷикистон дар роҳҳо амалиёти вижа мегузаронанд

Жезл ГИБДД  - Sputnik Тоҷикистон, 1920, 03.09.2021
Дар робита ба оғози соли нави таҳсил дар роҳҳои Тоҷикистон амалиёти "Бачаҳо" рӯзи 31 август оғоз шуд
ДУШАНБЕ, 3 сентябрь - Sputnik. Дар Тоҷикистон амалиёти анъанавии моҳи сентябр "Бачаҳо" гузаронида мешавад, хабар медиҳад Раёсати Бозрасии давлатии автомобилии ВКД ҷумҳурӣ.
Амалиёт дар роҳҳои кишвар ба муносибати оғози соли нави таҳсил аз 31 август оғоз шуда, то 10 сентябр идома хоҳад кард.
"Соли нави таҳсил аз 1 сентябр оғоз шуд. Дар таътили тобистона кӯдакон ба мактаб намерафтанд, убури оммавии роҳҳо дар назди мактабҳо набуд, албатта, ронандагон каме роҳат шуданд ва кӯдакон, чун маъмулӣ, беэҳтиётона рафтор мекунанд", - гуфта мешавад дар паём.
Дар робита ба ин, ин 10 рӯз нозирони БДА дар чорроҳаҳои серодами назди мактабҳо навбатдорӣ карда, ҳамзамон сӯҳбатҳои профилактикӣ мегузаронанд.
Кормандони БДА аз ҳамаи шаҳрвандони кишвар даъват карданд, ки қоидаҳои ҳаракат дар роҳро вайрон накунанд, ҷони худ ва саломатии худро зери хатар нагузоранд.
Ҳамчунин, ВКД ба он таваҷҷӯҳи хоса зоҳир кард, ки волидон қоидаҳои рафтор дар роҳҳоро ба фарзандонашон фаҳмонанд.
Дар Тоҷикистон аз 1 сентябр соли нави таҳсил оғоз шуд. Тибқи маълумоти пешакии Вазорати маориф ва илм, танҳо 240 ҳазор кӯдак танҳо ба синфи 1 рафтанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала