Толибон* алайҳи занони эътирозгар гази ашковар ва зӯрӣ истифода карданд

© AFP 2023 / WAKIL KOHSARТалибы в аэропорта в Кабуле
Талибы в аэропорта в Кабуле - Sputnik Тоҷикистон, 1920, 04.09.2021
Обуна шудан
Толибон* алайҳи заноне, ки ҳуқуқу озодиҳои худро талаб кардаанд, гази ашковар ва зӯрӣ истифода бурдаанд
ДУШАНБЕ, 4 сен – Sputnik. Толибон* барои пароканда кардани ҳамоиши занон дар Кобул, ки аз ҳукуматдорони нав риояи ҳуқуқу озодиҳояшонро талаб карданд, аз зӯрӣ истифода кардаанд. Барои пароканда кардани занон, ҷангиёни Толибон* ба ҳаво тир холӣ карда, яке аз занони фаъол, Наргис Содатро мавриди латукӯб қарор додаанд, навиштааст РИА Новости.
Ҳамоиши эътирозии занон барои талаби ҳуқуқ ба таҳсилу кор сурат гирифтааст. Бархе аз занони фаъол ва рӯзноманигоре, ки ин ҳолатро инъикос мекард, латукӯб шудааст, хабар доданд иштирокдорону шоҳидон дар шабакаҳои иҷтимоӣ.
Афганское движение сопротивления во патрулирования в провинции Панджшер, Афганистан - Sputnik Тоҷикистон, 1920, 04.09.2021
Марзи Тоҷикистону Афғонистон: ҳоло чӣ рух дода истодааст?
"Тактикӣ": ақибнишиниҳои Ҷабҳаи муқовимат аз хатти аввал дар Панҷшер
Тайи ду рӯзи гузашта низ дар шаҳрҳои Ҳироту Кобули Афғонистон ду гирдиҳамоии эътирозӣ алайҳи сиёсатҳои “Толибон” дар баробари занон баргузор шуд.
Занон бо шиорҳое, назири “Ҷомиае, ки зан фаъол нест, мурдааст”, “Мо ҳама бо ҳам ҳастем, зулму ситам шикастем”, “Маориф, озодӣ, кор ба ҳар зан!”, “Озодӣ шиори мост, он моро ифтихор мебахшад”, гирдиҳамоӣ карданд.
Дар ҳамин ҳол Ҷабҳаи муқовимат бо нашри як изҳорот аз эътирози занон дар Кобулу Ҳирот ҳимоят карда, афзудааст, ки талабу ҳуқуқу озодиҳои зан аз ҷумлаи арзишҳоест, ки имрӯз нерӯҳои муқовимат барои он истод шудаанд.
* - созмони террористии мамнӯъ дар Тоҷикистон, Русия ва бархе кишварҳои дигар
Лентаи хабарҳо
0