Аз соати 5 - и саҳар: эълони ду рӯзи роҳбандӣ дар Хуҷанд барои гузашти ҳарбӣ

© Sputnik Машина милиции в Таджикистане, архивное фото
Машина милиции в Таджикистане, архивное фото - Sputnik Тоҷикистон, 1920, 06.09.2021
Мақомоти Идораи бозрасии давлатии автомобилӣ (БДА) дар вилояти Суғд, сабаби дар ду рӯзи оянда баста шудани роҳу кӯчаҳои Хуҷандро шарҳ додааст
ДУШАНБЕ, 6 сен – Sputnik. Тибқи эълоне, ки бо имзои Суҳроб Қурбонзода, сардори БДА Суғд нашр шуда ва нусхаи он дастраси Sputnik Тоҷикистон шудааст, санаҳои 7 ва 9 сентябр ба хотири таҷлил намудани Ҷашни 30 – солагии Истиқлолияти давлатии Ҷумҳурии Тоҷикистон дар назди бинои ҳукумати вилояти Суғд гузашти паради ҳарбӣ ва оммавӣ дар назар дошта шудааст.
Аз ин лиҳоз ҳаракат дар баъзе роҳу кӯчаҳои шаҳри Хуҷанд муваққатан манъ карда мешавад.
“Санаҳои 7 ва 9 сентябри соли равон, роҳи кӯчаҳои ба номи Р. Набиев, И. Сомонӣ ва К. Хуҷандӣ аз кӯчаи ба номи Гагарин (кӯпруки ҷашнӣ) то роҳи кӯчаи И. Сомонӣ ва инчунин кӯчаи ба номи Раҳим Ҷалил (собиқ кӯчаи Мир) ҳаракати воситаҳои нақлиёт аз саоти 05: 00 саҳарӣ то анҷоми чорабинӣ муваққатан қатъ карда мешавад”, - омадааст дар иттилоияи БДА.
Дворец культуры в Таджикистане  - Sputnik Тоҷикистон, 1920, 02.09.2021
Хуҷанд “тӯй дорад”: рақсу бозиву консерт то Рӯзи истиқлолияти давлатӣ идома меёбанд
Бино бар ин эълон дар чунин санаҳо мувофиқи нақшаи тасдиқнамудаи Мақомоти иҷроияи ҳокимияти давлатии вилояти Суғд таҷлили ҷашн бо гузашти паради ҳарбӣ ва оммавӣ бо дастовардҳои 30 – соли Истиқлолияти Ҷумҳурии Тоҷикистон дар назди бинои ҳукумати вилояти Суғд дар назар дошта шудааст.
Полковник Қурбонзода Суҳроб бо нашри ин эълон аз шаҳрвандон ва ронандагон хоҳиш намудааст, ки дар санаҳои зикршуда ҳаракати худро тавассути роҳу кӯчаҳои ҳамшафат идома диҳанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала