Сафири Қирғизистон дар Афғонистон аз вазифа сабукдӯш шуд

© ПРЕСС-СЛУЖБА МИД КРМирослав Ниязов освобожден от должности посла Кыргызстана в Афганистане
Мирослав Ниязов освобожден от должности посла Кыргызстана в Афганистане - Sputnik Тоҷикистон, 1920, 09.09.2021
Обуна шудан
Маъмурияти Содир Ҷабборов гуфтааст, ки Ниёзов бо хоҳиши худ истеъфо додааст
ДУШАНБЕ, 9 сен – Sputnik. Мирослав Ниёзов аз вазифаи сафири Қирғизистон дар Афғонистон озод карда шуд, хабар медиҳад Sputnik Қирғизистон бо такя ба хадамоти матбуотии президент.
Бар асоси аризаи сиёсатмадор президент Содир Ҷабборов фармонро имзо кардааст.
Мирослав Ниёзов 69 сол дошта аз соли 2019 ба ҳайси сафири Қирғизистон дар Афғонистон кор мекард.
Ӯ аз солҳои 90 -ум дар як қатор вазифаҳои давлатӣ адои вазифа намудааст, аз ҷумла муовини вазири амнияти миллӣ, котиби Шӯрои амният ва сафир дар Тоҷикистон будааст.
Ҳамчун коршиноси низомӣ хидмат кардааст.
Празднование дня независимости в Кабуле  - Sputnik Тоҷикистон, 1920, 09.09.2021
“Ба кори худ идома диҳед”: номаи муовин ба сафоратҳои Афғонистон
Вақте Толибон* дар Афғонистон ба қудрат расиданд, Ниёзов барои табобат дар Бишкек қарор дошт. Вай хабар дод, ки ҳамоҳангсозии кори намояндагии дипломатиро дар Кобул аз пойтахти Қирғизистон идома медиҳад.
Толибон* як моҳ пеш ҳамла ба нирӯҳои ҳукуматиро тақвият доданд ва 15 август вориди Кобул шуданд. Рӯзи дигар эълон карданд, ки ҷанг ба охир расидааст ва шакли ҳукумат дар ояндаи наздик эълом хоҳад шуд.
Шаби 31 август низомиёни амрикоӣ аз фурудгоҳи Кобул баромада, ҳузури тақрибан 20-солаи артиши Амрико дар Афғонистонро қатъ карданд.
Мехтарлам под контролем запрещенной в РФ организации Талибан - Sputnik Тоҷикистон, 1920, 09.09.2021
Толибон*: Интихобот бо иштироки ҳама мардум баргузор мешавад
Чанде пеш Толибон* ҳукумати муваққатӣ таъсис доданд, маросими савгандёдкунӣ 11 сентябр баргузор мешавад.
* - ташкилоти террористӣ, ки дар Тоҷикистон, Русия ва дигар кишварҳо мамнӯъ аст.
Лентаи хабарҳо
0