Устои таъмиргар бо мошини мизоҷаш дучори садамаи маргбор шуд

© Sputnik / Владислав ВодневМашина полиции
Машина полиции - Sputnik Тоҷикистон, 1920, 10.09.2021
Вазорати умури дохилии Тоҷикистон мегӯяд, устои таъмиргар бо мошини мизоҷаш дучори садамаи маргбор шудааст
ДУШАНБЕ, 10 сен – Sputnik. ВУД Тоҷикистон иттилоъ дод, ки устои таъмиргар аз ноҳияи Ёвон ҳамроҳи як нафари дигар, мошини мизоҷашро гирифта, ба ҷамоати Норини ноҳияи мазкур омадааст.
Устои 32-сола, ки худ сокини ҷамоати Чоргул будааст, бо "Мерседес" - и мизоҷаш ба ҷамоати Норин омада, дар яке аз ошхонаҳо ғизо ва шароб истеъмол карда, ба роҳ баромадаанд.
Дорожный знак, архивное фото - Sputnik Тоҷикистон, 1920, 26.08.2021
Ду садама ва ду қурбонӣ дар ду рӯзи ахир
Манбаъ афзуд, усто, ки ҳуҷҷати ронандагӣ низ надоштааст, дар роҳи бозгашт дар ҳудуди ҷамоати Чоругл ба қутиҳои партов бархӯрдааст. Дар натиҷа ҳамроҳаш, марди 47-сола маҷруҳ шуда, дар беморхона ба ҳалокат расидааст.
Дар иттилоия, ки 10 сентябр дар сомонаи ВУД Тоҷикистон нашр шудааст, замони ба вуқуъ пайвастани ҳодиса шаби 8 ба 9 сентябр гуфта мешавад.
Вазорати умури дохилии Тоҷикистон таъкид намуд, ки соҳиби мошин марди 24-сола мошинашро барои таъмир ба усто бовар карда, супоридааст.
Мақомоти умури дохилӣ таъкид намуданд, ки феълан аз рӯи ин ҳодиса таҳқиқот идома дорад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала