Ҳамаи хобгоҳҳои муҳоҷирон дар вилояти Маскав санҷида мешаванд

© Sputnik / Кирилл КаллиниковРабочие на стройке
Рабочие на стройке - Sputnik Тоҷикистон, 1920, 14.09.2021
Губернатори вилояти Маскав амр додааст, ки дар ин минтақа санҷишҳои оммавӣ ташкил карда шаванд
ДУШАНБЕ, 14 сен — Sputnik. Пас аз як ҳодисаи пурсарусадо дар минтақаи Сергей-Посад, губернатори вилояти Маскав Андрей Воробёв фармон дод, ки хобгоҳи муҳоҷирон дар Бужанинов баста шавад.
Вай изҳор дошт, ки чунин тасмим бо таваҷҷуҳ ба назари сокинони маҳаллӣ рӯйи даст гирифта шудааст.

"Хобгоҳ дар Бужанинов, ки дар наздикии он ин ҳодиса рух дод, имрӯз баста мешавад. Агар сокинон мухолиф бошанд, пас он дар он ҷо ҷой нахоҳад дошт", - гуфт Воробёв.

Губернатори вилояти Маскав афзуд, ки ҳарчи зудтар дар ҳама ҷойҳое, ки муҳоҷирин зиёданд, санҷиш гузаронида мешавад.
"Бояд ба ҳама гуна қонуншиканиҳо, ҳатто ҷиноятҳои аз ҷониби муҳоҷирон содиршуда ба таври қатъӣ бархӯрд сурат гирад", - илова намуд ӯ.
Избрание меры пресечения И. Гаврикову, попавшему в ДТП с автобусами военных - Sputnik Тоҷикистон, 1920, 14.09.2021
Дар вилояти Маскав ду муҳоҷири тоҷик ба таҷовуз ва қатли як нафақахӯр муттаҳам мешаванд
Воробёв қайд кард, ки чунин ҳодисаҳо ба ҳамаи шаҳрвандони хориҷӣ хос нестанд, зеро аксари меҳмонон софдилона ва аз рӯи виҷдон кор мекунанд.
Ёдовар мешавем, мақомот ду нафарро бо гумони таҷовуз ва куштори як нафақахӯр дар минтақаи Сергей - Посад боздошт карданд.
Мақомот мегӯянд, ки онҳо шаҳрвандони Тоҷикистон буда, 37 ва 33 сол доранд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала