Қорӣ Фасеҳуддин: Муқовиматгаронро саркӯб мекунем, ба ҷанги дохилӣ роҳ намедиҳем

© Aamaj NewsГлава Генштаба "Исламского Эмирата Афганистан" Кари Фасихуддина
Глава Генштаба Исламского Эмирата Афганистан Кари Фасихуддина - Sputnik Тоҷикистон, 1920, 15.09.2021
Қорӣ Фасеҳуддин, раиси Ситоди артиши "Толибон"* мегӯяд, машваратҳо ҷараён доранд ва ояндаи наздик Афғонистон артиши мунтазам хоҳад дошт
ДУШАНБЕ, 15 сен – Sputnik. Қорӣ Фасеҳуддин таъкид кард, ки нерӯҳо бояд тавре омӯзиш бинанд, ки битавонанд аз Афғонистон ҳимоят кунанд.
Ӯ ки дар як ҳамоиш дар Кобул суҳбат мекард, ваъдаи саркӯби муқовиматгаронро дода, афзуд, ки намегузоранд, кишвар вориди ҷанги дохилӣ шавад.

"Касоне, ки ба номи қавмият ва муқовимат барои пуштибонӣ аз демокрусӣ ва ҳифзи дастовардҳои 20-сола дар баробари ин гурӯҳ истодаанд, саркӯб хоҳанд шуд. Ин афрод дар пайи халалдор кардани амният ва савқ додани кишвар ба ҷангҳои дохилиянд", - овардааст "Aamaj News" аз қавли Фасеҳуддин.

Вай афзуд, нерӯҳои "Толибон"* иҷозаи "ихлоли амният" ва ба "хоку хун кашидан" - и Афғонистонро нахоҳанд дод.
Гарчанде раиси Ситоди артиши "Толибон" аз афрод ва гурӯҳҳои мушаххас ном набурдааст, расонаҳои Афғонистон мегӯянд, манзури Қорӣ Фасеҳуддин нерӯҳои Ҷабҳаи муқовимати миллии Афғонистон таҳти роҳбарии Аҳмад Масъудро аст.
Совместное заседание министров иностранных дел, министров обороны и секретарей совбезов ОДКБ в Душанбе - Sputnik Тоҷикистон, 1920, 15.09.2021
СААД ба парҳез аз даргириҳои қавмию мазҳабӣ дар Афғонистон даъват кард
Дар пайи даъвати Аҳмад Масъуд ахиран дар вилоёти гуногуни Афғонистон ҳамоишҳои фаъолони маданӣ, аз ҷумла занон барои ҳимояи ҳуқуқашон, аз қабили ҳаққи кору таҳсил баргузор шуд. "Толибон"* барои пароканда кардани ин ҳамоишҳои эътирозӣ аз газҳои ашковар ва хушунат кор гирифтанд.
Қорӣ Фасеҳуддин, роҳбари феълии Ситоди артиши "Толибон" тоҷик буда, беш аз 50 сол дорад. Ӯ зодаи вулусволии Вардуҷи вилояти Бадахшони Афғонистон аст, ки дар замони ҷиҳод алайҳи Иттиҳоди Шӯравӣ аз саргурӯҳҳои Сайид Наҷмиддини Восиқ, фармондеҳи Ҷамъияти исломии таҳти амри Бурҳонуддин Раббонӣ ва Шӯрои наззори Аҳмадшоҳи Масъуд буд.
* - созмони террористи мамнуъ дар қаламрави Тоҷикистон, Русия ва бархе кишварҳои дигар
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала