Кӯчае дар Суғд ба номи прапоршики ҳалокшуда дар марз бо Қирғизистон гузошта шуд

© Пресс-служба администрации района ДеваштичДжасур Сияркулов, погибший таджикский прапорщик на границе с Кыргызстаном
Джасур Сияркулов, погибший таджикский прапорщик на границе с Кыргызстаном - Sputnik Тоҷикистон, 1920, 17.09.2021
Ҳукумати Деваштич як кӯчаи ноҳияро ба номи Ҷасур Суярқулов, марзбони марҳуми тоҷик гузошт, ки баҳори имсол дар пайи муноқишаи мусаллаҳона дар марз бо Қирғизистон ба ҳалокат расид
ДУШАНБЕ, 17 сен – Sputnik. Ганҷина Нуруллозода, муовини раиси ноҳияи Деваштич, ҳадафи ин иқдомро поси хотири фарзанди шуҷои кишвар номид, ки дар сарҳади давлатӣ корномаи беназир нишон доду ҷон дод.
"Дар даромадгоҳи кӯча тахтасанги ҳаккокишуда бо акси Ҷасур Суярқулов насб карда шуд. Дар маросими номгузории кӯча, роҳбарияи ноҳия, созмони собиқадорони ҷангу меҳнат ва пайвандони Суярқулов иштирок намуданд”, - гуфт Нуруллозода дар суҳбат бо Sputnik Тоҷикистон.
Маврид ба зикр аст, ки бо фармони раисиҷумҳури Тоҷикистон аз 23-юми июли соли 2021 таҳти рақами 214, Ҷасур Суярқулов барои қаҳрамонӣ дар назди давлату миллат, баъди маргаш бо ордени Спитамен дараҷаи 2 сарфароз гардонида шуд.
Израильские пехотные солдаты входят в сектор Газа из Израиля с боевым заданием, архивное фото - Sputnik Тоҷикистон, 1920, 09.07.2021
То кай? баҳсҳои марзии Тоҷикистону Қирғизистон
Тирпарронӣ дар марзи Тоҷикистону Қирғизистон боиси марги як сарбоз шуд
Ҷасур Суярқулов яке аз 19 нафари ҳалокшуда дар муноқишаи мусаллаҳонаи рӯзи 29 апрел дар марз бо Қирғизистон мебошад. Ӯ 28 - сола, сокини деҳаи Қалъачаи азими ҷамоати деҳоти Ғазантараки ноҳияи Деваштич буд, ки ҳамчун прапоршик дар қисми марзбонии Кумитаи давлатии амнияти миллӣ дар ноҳияи Бобоҷон Ғафуров кор мекард. Рӯзи 29 апрел дар пайи муноқишаи мусаллаҳонаи марзӣ бо Қирғизистон дар ҷамоати Ворухи Исфара ба ҳалокат расид.
Вазъ дар марзи Тоҷикистону Қирғизистон 28 апрел дар пайи як баҳс сари дарғоти “Головной” шиддат гирифта, 29 апрел ба даргирии мусаллаҳона миёни низомиёни ду кишвар печид. Бар асоси иттилоияи ҷонибҳои Тоҷикистону Қирғизистон, аз ҳар ду тараф 55 нафар қурбон шуда, даҳҳо нафари дигар захм бардоштаанд.
Қирғизистон аз ҳалокати 36 шаҳрвандаш дар ин даргирӣ хабар дод. Мақомоти Суғд гуфтанд, ки дар ин ҳодиса 19 нафар ҳалок шуда, 87 нафари дигар захм бардоштанд. Ҷонибҳо дар сар задани даргирӣ ҳамдигарро айбдор мекарданд.
Тоҷикистону Қирғизистон беш аз 980 километр марзи муштарак доранд, ки аз ин, 520 километр аломатгузорӣ шуда, боқимонда ҳанӯз ҳам номуайян боқӣ мондааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала