Графическое изображение коронавируса - Sputnik Тоҷикистон, 1920
Мавҷи сеюми коронавирус дар Тоҷикистон: охирин хабару гузоришҳо
Мақомоти Тоҷикистон 21 январи соли 2022 аз бозгашти сеюмбораи коронавирус ба кишвар хабар доданд

Вазорати тандурустӣ: Наздик ба 99 дарсади сокинони шаҳри Душанбе ваксина гирифтанд

© Sputnik Вакцинация от коронавируса в Таджикистане
Вакцинация от коронавируса в Таджикистане - Sputnik Тоҷикистон, 1920, 18.09.2021
Обуна шудан
Вазорати тандурустии Тоҷикистон эълон кардааст, ки маъракаи ваксиназании сокинон бар зидди бемории COVID-19 дар шаҳри Душанбе 98,9 дарсад иҷро гардидааст
ДУШАНБЕ, 18 сен — Sputnik. Бино бар иттилои дафтари матбуоти вазорати тандурустии Тоҷикистон, то санаи 17 сентябри соли равон дар ҳудуди кишвар 2 миллиону 268 ҳазору 602 нафар (38,9%) нафар шаҳрвандон ба ваксинатсия зидди бемории коронавируси COVID-19 фаро гирифта шуданд.
Тибқи иттилои манбаъ, вояи дуюми ваксинаро то санаи зикргардида ​ 1 миллиону 480 ҳазору ​ 507 нафар шаҳрвандони мамлакат гирифтаанд.
“Маъракаи иммунизатсия миёни аҳолии пойтахти кишвар - шаҳри Душанбе 98,9% иҷро гардидааст”, - хабар додааст вазорати тандурустӣ.
Вазорати тандурустӣ қайд кардааст, ки имрӯзҳо сокинони кишвар бо як масъулияти баланд барои ҳифзи саломатии худ ва наздиконашон ба муассисаҳои тандурустии маҳалли зисти хеш муроҷиат намуда, ваксинаи зидди ин беморӣ мегиранд.
Вакцина от коронавируса AstraZeneca - Sputnik Тоҷикистон, 1920, 10.09.2021
Олмон ба Тоҷикистон беш аз 100 ҳазор ваксина хайр кард
Манбаъ ёдрас шудааст, ки тибқи қарори Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 дар Тоҷикистон, ки санаи 3 июл ба нашр расид, ваксинаи зидди бемории сироятии коронавирус барои шаҳрвандони синни аз 18 сола болои мамлакат ҳатмӣ мебошад.
Вазорат бори дигар таъкид доштааст, ки нафароне, ки ваксинаи зидди бемории сироятии коронавирус нагирифтаанд, ҳатман ба табибони оилавӣ ва ё ба муассисаҳои тандурустии маҳали зисташон муроҷиат намоянд.
Қайд шудааст, ки ваксиназанӣ барои шаҳрвандони Тоҷикистон комилан ройгон аст.
Лентаи хабарҳо
0