20 сентябр дар таърих: Рӯзи донишҷӯён ва зодрӯзи Гулназар Келдӣ

День 20 сентября - Sputnik Тоҷикистон, 1920, 20.09.2021
Рӯзи бистуми сентябр ҳамчун Рӯзи байналмилалии варзиши донишҷӯён ба ҳисоб меравад. Ҳамчунин Ҷумҳурии Қирғизистон дар ин рӯз аз Рӯзи соҳибкорон ҷашн мегирад

Рӯзи 20 сентябр дар ҷаҳон чӣ рух дод?

Соли 1802 дар Русия аввалин маротиба вазоратҳои мудофиа, корҳои хориҷӣ ва корҳои дохилӣ таъсис дода шуданд.
Соли 1902 дар натиҷаи сӯхтор дар калисои шаҳри Бирмингеми Англия зиёда аз 100 нафар ба ҳалокат расиданд.
Соли 1917 парлумони Канада ба модар, ҳамсар ва хоҳари аскароне, ки дар майдони ҷанг ҳузур доштанд, ҳуқуқи овоздиҳӣ пешниҳод кард.
Соли 1992 аксарияти аҳолии Фаронса дар раъйпурсӣ барои ворид шудани кишварашон ба ҳайати Иттиҳоди Аврупо раъй доданд.
Соли 1993 парлумони Озарбойҷон барои ворид шудан ба Иттиҳоди Давлатҳои Мустақил қарор қабул кард.

Рӯзи 20 сентябр дар Тоҷикистон чӣ рух дод?

Соли 2010 Эмомалӣ Раҳмон дар маҷлиси умумии сатҳи олии Маҷмаи кулли СММ бахшида ба масъалаҳои Ҳадафҳои Рушди Ҳазорсола суханронӣ намуд.
Соли 2013 сарвари давлат дар ҷиҳати иштирок дар ҷаласаи сарони давлатҳои узви Созмони Аҳдномаи Амнияти Дастаҷамъӣ ба шаҳри Сочии Федератсияи Русия сафар кард.
Соли 2016 Агентии омори назди президенти Ҷумҳурии Тоҷикистон аввалин маҷаллаи стратегии "Тоҷикистон: 25 соли истиқлолияти давлатӣ"-ро нашр намуд.
Соли 2016 узви собиқи дастаи мунтахаби бокси Тоҷикистон ергей Харитонов ба рӯйхати навшудаи беҳтарин муборизони ҷаҳон ворид шуд.
Соли 2017 дар шаҳри Ню-Йорк Эмомалӣ Раҳмон дар мубоҳисаҳои умумии иҷлосияи 72-юми Маҷмаи умумии Созмони Милали Муттаҳид иштирок ва суханронӣ кард.
Соли 2018 раисҷумҳури Тоҷикистон Эмомалӣ Раҳмон ва раиси шаҳри Душанбе Рустами Эмомалӣ дар ноҳияи Шоҳмансури пойтахт муассисаи таълимии таҳсилоти умумии ғайридавлатии Академияи умумиҷаҳонии Кембриҷро дар вазъияти тантанавӣ ифтитоҳ карданд.

Ҷашнҳои рӯзи 20 сентябр

Рӯзи байналмилалии варзиши донишҷӯён.
Дар Белорус – Рӯзи гумрукчиён.
Дар Қирғизистон – Рӯзи соҳибкорон.
Дар Осетияи Ҷанубӣ – Рӯзи истиқлол.

Рӯзи 20 сентябр дар Тоҷикистон кӣ таваллуд шуд?

Соли 1909 Нависандаи халқии Тоҷикистон, дорандаи Ҷоизаи ба номи А. Рӯдакӣ Ҷалол Икромӣ (1909-1993).
Соли 1916 Ҳунарманди театр ва халқии Тоҷикистон Тӯтӣ Ғафорова (1916-1986).
Соли 1945 Шоири халқии Тоҷикистон, дорандаи ҷоизаи ба номи А. Рӯдакӣ, муаллифи Суруди миллии Тоҷикистон Гулназар Келдӣ (1945-2020).
Соли 1946 дорандаи Ҷоизаи ба номи А.Рӯдакӣ Музаффар Неъматов (1946-2010).
Соли 1947 профессори илмҳои иқтисодӣ Амир Катаев.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала