Ҳомид Карзай: Афғонистон хоки ман аст, паноҳанда намешавам

© Sputnik / P. MamaghaniБывший президент афганистана Хамид Карзай
Бывший президент афганистана Хамид Карзай - Sputnik Тоҷикистон, 1920, 21.09.2021
Раисҷумҳури собиқи Афғонистон мегӯяд, ки "Афғонистон хоки ман аст, паноҳанда намешавам"
ДУШАНБЕ, 21 сен — Sputnik. Ҳомид Карзай дар мусоҳиба бо хабаргузории "Тасним" таъкид кардааст, ки “Толибон”* бояд кобинаи худро ислоҳ кунад.

“Ман аз бародарони “Толибон”* даъват кардам, мо ҳама ҳамватан ҳастем ва бояд Афғонистонро якҷоя наҷот диҳем”,-гуфт оқои Карзай.

Вай мегӯяд, ки вазъияти феълӣ на дилхоҳи “Толибон”* ва на мардуми Афғонистон аст.
Ба гуфтаи ӯ, суқути нерӯҳои амниятию миллӣ ба хайри Афғонистон нашуд ва Амрико заминасози ин вазъият дар Афғонистон аст.
Забиулла Муджахед - Sputnik Тоҷикистон, 1920, 21.09.2021
Сухангӯи "Толибон": Тавоноии нобуд кардани “ДИИШ”*-ро дорем
Карзай гуфт, ки Амрико ба хотири мубориза бо “Толибон”* хонаҳои афғонистониҳоро бомбаборон мекард.
“Ману доктор Абдуллоҳ Абдуллоҳ бо “Толибон”* дар тамос будем ва бо бузургонашон машварат медиҳем”,-зикр кард раисҷумҳури собиқи Афғонистон.
Вай афзуд, дар тӯли 14 соле, ки ӯ раисҷумҳур будааст, аз “Толибон”* барои худ чизе дархост накардааст, аммо имрӯз барои мардуми Афғонистон аз онҳо дархост кардааст.

Ҳомид Карзай изҳори умедворӣ кард, ки “Толибон”* ва нерӯҳои Аҳмад Масъуд дар Панҷшер билохира ба сулҳ хоҳанд расид.

Вай ҳамчунин илова кард, ки Эрон ҳамеша дӯсти бисёр азиз ва наздики мардуми Афғонистон будааст ва мутмаин аст, ки Теҳрон талошҳояшро барои беҳтар намудани вазъ дар Афғонистон идома хоҳад дод.
* - гурӯҳи террористӣ, ки дар қаламрави Тоҷикистон ва Русия мамнӯъ аст
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала