Сиёсатмадори қирғиз ҷузъиёти кор бо Тоҷикистон дар бораи марзро ифшо кард

© Sputnik / Амир ИсаевПули хурд, аммо муҳими Чорбоғ дар марз Небольшой, но важный мост Чорбога на границе
Пули хурд, аммо муҳими Чорбоғ дар марз
Небольшой, но важный мост Чорбога на границе - Sputnik Тоҷикистон, 1920, 21.09.2021
Обуна шудан
Намояндаи Ҳукумати Қирғизистон ба таври муфассал шарҳ дод, ки дар масоили марзӣ бо Тоҷикистон чӣ пешрафте ба даст омадааст
ДУШАНБЕ, 21 сен – Sputnik. Намояндаи махсуси Девони Вазирон дар умури сарҳадии Дастгоҳи президент Назирбек Борубаев дар муколама бо "24.kg" гуфт, ки корҳои аломатгузории марзҳои Тоҷикистону Қирғизистон идома доранд.
Вай афзуд, ки "кори комиссияи байниҳукуматӣ дар бораи делимитатсия ва демаркатсияи сарҳад тақвият ёфтааст. Ҳоло бошад, мутахассисон дар маҳал кор мекунанд, дар ҷаласаҳои ҳукумат моҳе ду маротиба нозукиҳои ҳуқуқӣ ва дипломатӣ мушаххас карда мешаванд. Сокинони маҳаллӣ низ ба корҳои саҳроӣ ҷалб мешаванд".
Заседание Совета коллективной безопасности ОДКБ - Sputnik Тоҷикистон, 1920, 16.09.2021
Вазъ дар марзи Тоҷикистону Қирғизистон
Ҷабборов дар нишасти СААД мавзуи муноқиша дар марзи Тоҷикистону Қирғизистонро матраҳ кард
Намояндаи мақомоти Қирғизистон қайд кард, ки ӯ наметавонад маълумотро дар бораи қитъаҳои аллакай мувофиқашуда ифшо кунад, аммо афзуд, ки дар вохӯриҳои ахир дар бораи 70 километр аз сарҳади кишварҳо қарор қабул шуд.
Пеш аз ҳама ҷонибҳо дар соҳаҳое кор мекунанд, ки ҳарду ҷумҳурӣ даъвои ҳудудӣ надоранд, гуфт Борубаев.

"Имзои протокол маънои онро дорад, ки мо бо омӯзиш, тафтиш ва муҳокимаи баъзе қитъаҳои сарҳад ба як қарори умумӣ омадем. Ғайр аз он протоколҳои мо пешниҳод, сипас дар ҷаласаи комиссияи байниҳукуматӣ баррасӣ мешаванд",-шарҳ дод намояндаи Девони Вазирон.

Вай қайд кард, ки мақомот наметавонанд протоколҳоро рад кунанд, балки танҳо метавонанд тағироте ворид кунанд, ки ҳар ду ҷонибро қонеъ намояд.
Борубаев инчунин гуфт, ки барои деҳаҳои ноҳияҳои Кок-Тош ва Оқсой, ки ба хатти сарҳад хеле наздиканд ва ҳатто дар шакли тахтаи шоҳмотанд, стратегияи беҳтарин мубодилаи қаламравҳо аст, аммо дар ҳоли ҳозир кор бинобар ҳолатҳои ғайриқонунии хариду фурӯши хонаҳо ва қитъаҳо мавқуф гузошта шудааст.
Воинская часть Кыргызстана между материковым Таджикистаном и Ворухским анклавом, архивное фото - Sputnik Тоҷикистон, 1920, 24.08.2021
Вазъ дар марзи Тоҷикистону Қирғизистон
Хатари пушти кӯҳ баҳси марзии Тоҷикистону Қирғизистонро нарм кардааст
Намояндаи Девони Вазирони Қирғизистон дар робита ба масъалаҳои сарҳад афзуд, ки ҳар ду ҷониб дар аломатгузорӣ ва тақсими сарҳадҳои давлатӣ фаъолона ширкат мекунанд, зеро онҳо ба ҳалли ин масъала манфиатдоранд. Агар як тараф аз гуфтушунид саркашӣ кунад, кор қатъ мешавад.
Ба гуфти ин намояндаи Қирғизистон, бо "Google" гуфтушунид идома дорад, зеро сарҳади Тоҷикистону Қирғизистон дар харитаҳо нодуруст нишон дода шудааст. Вай гуфт, ки картографияи давлатии Қирғизистон дар ин масъала фаъолона кор мебарад.
Лентаи хабарҳо
0