Река вдоль границы с Афганистаном, архивное фото - Sputnik Тоҷикистон, 1920, 07.07.2021
Марзи Тоҷикистону Афғонистон: ҳоло чӣ рух дода истодааст?
Охирин хабару назарҳо дар мавриди вазъи марзи Афғонистон бо кишварҳои Осиёи Марказӣ дар ин пайванд гирд гирд оварда шудаанд

"Толибон": Эъдом ва буридани дасту пойро мумкин дубора оғоз кунем

© AP / Mohammad Asif KhanБоевики движения "Талибан" (террористическая организация, запрещена в России) в Кабуле
Боевики движения Талибан (террористическая организация, запрещена в России) в Кабуле - Sputnik Тоҷикистон, 1920, 24.09.2021
Яке аз бунёдгузорони гурӯҳи “Толибон”* мегӯяд, ки кобинаи онҳо дар ҳоли баррасии ин мавзуъ аст, ки ин муҷозот дар байни мардум иҷро шавад ё на
ДУШАНБЕ, 24 сен — Sputnik. Мулло Нуриддин Таробӣ, яке аз бунёдгузорони гурӯҳи “Толибон” дар гуфтугӯ бо хабаргузории “Ассошейтед пресс”, ки ахиран мунташир шуд, хашми ҷаҳониён аз эъдомҳои “Толибон”* дар гузаштаро бемаврид хонд ва ба дунё ҳушдор дод, ки дар умури ҳокимони ҷадиди Афғонистон дахолат накунанд, иттилоъ додааст Sputnik Афғонистон.
Қаблан, дар даврони ҳукмронии аввали “Толибон” баъзан маҳкумшудагонро дар варзишгоҳҳо ва дар назди омма эъдом мекарданд.

"Ҳама моро танқид карданд, аммо мо ҳеҷ гоҳ дар бораи ҷазоҳои кишварҳои Ғарб чизе нагуфтаем. Ҳеҷ кас наметавонад ба мо бигӯяд, ки қоидаҳои мо бояд чӣ гуна бошанд. Мо исломро пайравӣ мекунем ва қонунҳои худро бар Қуръон асос хоҳем дод", таъкид доштааст Таробӣ ба хабаргузории “Ассошиэйтед Пресс”.

Таробӣ дар замони режими “Толибон” раҳбари Вазорати адлия ва Вазорати амри маъруф буд. Он замон афроде, ки барои куштор маҳкум шуда буданд, маъмулан аз ҷониби хешовандони қурбонӣ бо паррондан бар сараш кушта мешуданд. Онҳоеро, ки барои роҳзанӣ ва ғоратгарӣ маҳкум мешуданд, дасту по мебуриданд.
Президент Афганистана Ашраф Гани - Sputnik Тоҷикистон, 1920, 24.09.2021
"Толибон"* хостори бозгардонии пулҳои дуздидаи Ғанӣ шуд
Ҳукмҳо пушти дарҳои баста сурат мегирифтанд ва тартибот бар асоси шариат буд.
Ин дафъа додрасҳо, аз ҷумла занони қозӣ, парвандаҳоро баррасӣ хоҳанд кард, аммо асоси қонун дар Афғонистон қоидаҳои Қуръон хоҳад буд, гуфт Таробӣ. Вай гуфт, ки ҷазоҳои пешина аз сар гирифта мешаванд.
Ба гуфтаи Таробӣ, "буридани дасту пой барои амният хеле зарур аст" ва ин ҷазо як таъсири боздоранда дорад.

“Ҳукумати “Толибон”* дар ҳоли ҳозир баррасӣ доранд, ки оё ин ҷазоҳо бояд ошкоро сурат бигиранд ё на”, - илова кард Таробӣ

Ҳоло, дар замони ҳукумати нави “Толибон”*, Таробӣ масъули зиндониён аст. Вай яке аз раҳбарони “Толибон”* ва узви кобинаи нави ин гурӯҳ аст, ки дар рӯйхати таҳримҳои Амрико қарор дорад.
Представитель Талибана Забихулла Муджахид (слева) прибывает на свою первую пресс-конференцию в Информационный центр правительственных СМИ в Кабуле - Sputnik Тоҷикистон, 1920, 24.09.2021
“Толибон”* аз Русия кӯмак хостанд: Намояндагони ин гурӯҳ чӣ мехоҳанд?
"Мо нисбат ба даврони гузашта тағйир ёфтаем. Ҳоло “Толибон”* ба телевизион, телефонҳои мобилӣ, аксбардорӣ ва наворбардорӣ иҷозат медиҳанд, зеро ин барои мардум зарур аст ва мо ба ин ҷиддӣ муносибат диққат медиҳем. Ҳоло ба ҷои сад нафар мо метавонем бо миллионҳо нафар иртибот дошта бошем", - гуфт Таробӣ
Вай гуфт, ки агар ҷазоҳои исломӣ дар ҷойҳои ҷамъиятӣ сурат бигиранд, ба сокинон иҷоза дода мешавад, ки акс ва наворбардорӣ кунанд, то "таъсири боздоранда" -и он дар ҳама ҷо паҳн шавад.
* - гурӯҳи террористӣ, ки дар қаламрави Русия ва Тоҷикистон мамнуъ аст
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала