"Толибон"* мегӯяд, фурудгоҳи Кобул барои ҳамаи парвозҳо омодааст

© AFP 2021 / Wakil KohsarПассажиры в аэропорту Кабула
Пассажиры в аэропорту Кабула  - Sputnik Тоҷикистон, 1920, 26.09.2021
"Толибон"* изҳор доштанд, ки фурудгоҳи Кобул барои қабули ҳамаи парвозҳои дохилӣ ва байналмилалӣ омода аст
ДУШАНБЕ, 26 сен — Sputnik. "Толибон" * эълон карданд, ки фурудгоҳи пойтахти Афғонистон, шаҳри Кобул барои парвозҳои дохилӣ ва хориҷӣ пурра омода карда шудааст.
"Азбаски мушкилот дар фурудгоҳи байналмилалии Кобул ҳал карда шуданд ва фурудгоҳ ба парвозҳои дохилӣ ва байналмилалӣ комилан омода аст, мо дар интизори ҳамкорӣ бо ширкатҳои ҳавонавардӣ ҳастем, ки қаблан ба Афғонистон карда буданд", - изҳор дошт, Абдул Қаҳор Балхӣ, сухангӯи Вазорати корҳои хориҷии ҳукумати муваққатии Афғонистон дар Твиттер.
Қаблан, сафири Покистон дар Кобул Мансур Аҳмад Хон ба РИА Новости гуфта буд, ки ширкатҳои ҳавопаймоии Покистон PIA ва як қатор ширкатҳои дигари байналмилалӣ омодаанд дар давоми як то ду ҳафта парвозҳои доимиро ба фурудгоҳи байналмилалии Кобул барқарор кунанд, то замоне ки тамоми инфрасохтори бандари ҳавоӣ муттаҳид шавад.
Мулла Абдул Гани Барадар, главный политический лидер Талибов - Sputnik Тоҷикистон, 1920, 26.09.2021
Мулло Бародар Тоҷикистонро ба дахолат ба кори Афғонистон муттаҳам кард
Дар авоили моҳи август "Толибон"* ҳамла ба нерӯҳои давлатии Афғонистонро афзоиш доданд ва 15 август вориди Кобул шуданд ва рӯзи дигар эълом карданд, ки ҷанг ба охир расидааст.
Шаби 31 август низомиёни амрикоӣ аз фурудгоҳи Кобул баромада, ҳузури тақрибан 20-солаи артиши ИМА дар Афғонистонро қатъ карданд. Аввали моҳи сентябр ҳайати ҳукумати муваққатии Афғонистон эълон карда шуд, ки онро Муҳаммад Ҳасан Охунд сарварӣ мекунад, ки дар давраи ҳукмронии аввали Толибон * вазири корҳои хориҷӣ буд ва аз соли 2001 таҳти таҳримҳои СММ қарор дорад.
* созмони мамнуъ дар Тоҷикистон ва Русия
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала