Шоҳин, намояндаи "Толибон"* дар СММ умедвор аст, ки ба зудӣ корро оғоз мекунад

© Sputnik / Екатерина Чеснокова / Гузаштан ба хазинаи аксМохаммад Сохайль Шахин пресс-секретарь политического офиса движения "Талибан" (запрещено в РФ) в Москве
Мохаммад Сохайль Шахин пресс-секретарь политического офиса движения Талибан (запрещено в РФ) в Москве - Sputnik Тоҷикистон, 1920, 28.09.2021
Муҳаммад Суҳайл Шоҳин, ки аз сӯйи ҳаракати террористии "Толибон"* намояндаи Афғонистон дар СММ таъйин шудааст, умед ба оғози фаъолияташ дар ояндаи наздикро дорад
ДУШАНБЕ, 28 сен — Sputnik. Суҳайл Шоҳин мегӯяд, намояндаи қаблии Афғонистон дар СММ пуштибонии мардумро надорад.
"Намояндаи феълӣ Афғонистон ва мардуми онро намояндагӣ намекунад. Мо ҳимояти мардумӣ ва тасаллут барои тамоми қаламрави Афғонистонро дорем. Мақоми Афғонистон дар СММ ин ҳаққи мост. Мо умедворем, ки ҳама инро дарк мекунанд, ин далели раднопазир аст",-изҳор доштааст Шоҳин дар суҳбат бо "РИА Новости".
Ҳафтаи гузашта Фарҳон Ҳақ, намоядаи дабири кулли СММ изҳор дошт, ки "Толибон"* бо ирсоли як мактуб ба СММ изҳор доштанд, ки Ғулом Исҳоқзай, ки аз ҷониби ҳукумати қаблӣ таъйин шудааст, дигар намояндаи Афғонистон дар ин созмон нест. "Толибон"* таъкид кардаанд, Муҳаммад Суҳайл Шоҳин намояндаи нав дар СММ аст.
Празднование дня независимости в Кабуле  - Sputnik Тоҷикистон, 1920, 28.09.2021
Бидуни Ғанӣ, бо Солеҳ: Ҳукумати қаблии Афғонистон дубора эъломи мавҷудият кард
Қаблан Ғулом Исҳоқзай "Толибон"-ро танқид кард, ки ҳукумати ташкилкардаашон ҳамашумул набуда, аъзои созмон ба нақзи ҳуқуқи башар даст мезананд.
Интизор меравад, ки масъалаи намояндагии Афғонистонро Кумитаи СММ дар бахши санҷиши салоҳиятҳо ҳал кунад.
Ҳукумати Афғонистонро созмони "Толибон"* моҳи августи соли равон дар пасманзари хуруҷи нерӯҳои амрикоӣ аз ин кишвар ғасб карда, эълон намуд, ки иморати исломӣ ташкил мекунад. Нерӯҳои Ҷабҳаи муқовимати миллии Афғонистон таҳти роҳбарии Аҳмад Масъуд эълон карданд, ки мубориза барои як давлати исломии муътадил бо риояи мардумсолорӣ ва ҳуқуқи инсон, аз ҷумла ҳуқуқи занро идома хоҳанд дод.
* - созмони террористии мамнуъ дар Тоҷикистон, Русия ва бархе кишварҳои дигар
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала