Иқтисоддон шарҳ дод, ки чаро сиёсати Чин сабаби ҷаҳиши доллар мешавад

© PixabayБанкноты США, архивное фото
Банкноты США, архивное фото - Sputnik Тоҷикистон, 1920, 30.09.2021
Амалҳои муайяни ҶМЧ дар ояндаи наздик метавонад боиси болоравии қурби доллар гардад
ДУШАНБЕ, 30 сен — Sputnik. Ҳангоме ки Тайван ба Чин ҳамроҳ мешавад, доллар боло меравад. Инро иқтисоддон Михаил Делягин дар мусоҳиба бо канали YouTube -и "Радио Аврора" гуфтааст.
Ба гуфтаи коршинос, муттаҳидшавии Тайван ва Чин бӯҳрони ҷаҳонро ба вуҷуд меорад ва бозорҳои саҳҳомро ба поин меоварад. Ин аз сабаби фишори иқтисодии ИМА ба ҶМЧ рух хоҳад дод.
Делягин таъкид кард, ки ҳоло пешгӯии ояндаи доллар, евро ва асъори дигар ғайриимкон аст. Бо вуҷуди ин, нархҳо ва бозорҳо барои шаш моҳи дигар мӯътадил хоҳанд монд.
Курс валют - Sputnik Тоҷикистон, 1920, 28.09.2021
Иқтисоддон аз афзоиши рекордии се асъор гуфт, аммо доллар миёнашон нест
Дар 12 моҳи оянда Пекин метавонад ба амали қатъӣ алайҳи Тайван гузарад. Дар ин сурат Вашингтон ба баъзе молҳое, ки таъминоти онҳо барои Ғарб зарур нест, эмбарго ҷорӣ хоҳад кард.
Дар давраи бӯҳрони ҷаҳонӣ, тилло ва криптовалютҳои пешсаф бештар аз ҳама боло мераванд: сармоягузорон онҳоро ҳамчун механизми сарфаи маблағ истифода мебаранд.
Ба гуфтаи Делягин, ҳамроҳшавии Тайван ба Чин метавонад ҳар вақт то октябри 2022 сурат гирад.
"Вақте ки ин ҳодиса рӯй медиҳад, Иёлоти Муттаҳида ба тиҷорат бо Чин эмбаргои интихобӣ эълон мекунад. Бозорҳои саҳомӣ поин хоҳанд рафт, доллар боло меравад ва он гоҳ дигар ҳама асъорҳо меафтанд. Тилло ва Биткоин боло хоҳанд рафт", - гуфт иқтисоддон.
Мавриди зикр аст, ки муқовимат бо Чин мушкилоти асосии геополитикӣ барои Амрико аст. Барои маҳдуд кардани нуфузи Чин дар минтақаи Осиё ва Уқёнуси Ором, Вашингтон дар якҷоягӣ бо Лондон ва Канберра эътилофи низомии AUKUS-ро таъсис дод.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала