Иқтисоддон: Моҳи октябр доллар бо "сюрприз"-ҳои ногувор дучор хоҳад шуд

© Pixabay Доллары
Доллары  - Sputnik Тоҷикистон, 1920, 01.10.2021
Обуна шудан
Таҳлилгарон ба ояндаи доллар назари хуб надоранд, зеро ба пешбинии онҳо, арсаи шиддати сиёсӣ асъорро ноустувор мегузорад
ДУШАНБЕ, 1 окт — Sputnik. Моҳи октябр қимати доллар дар саросари ҷаҳон метавонад коҳиш ёбад. Юрий Попов, коршиноси умури бозорҳои асъор ва фоизҳои "SberCIB Investment Research" дар ин бора ба "РИА Новости" иттилоъ додааст.
Коҳиши арзиши пули амрикоӣ дар зимни интишори омори ноумедкунанда дар бозори меҳнати ИМА сурат хоҳад гирифт. Ҳамин тариқ арзиши пули русӣ то 71 рубл барои як доллар тақвият хоҳад ёфт, мегӯяд коршинос.
Ба гуфтаи Попов, таҳлилгарон афзоиши арзиши рубл дар баробари долларро дар моҳи октябр интизоранд. Бонки Русия метавонад меъёри калидиро якбора 50 нуқта зиёд кунад.

"Интизор меравад, ки содиркунандагон тақрибан 24 миллиард доллар андоз ва дивиденд пардохт кунанд. Ин дуввумин пардохти ҳармоҳаи имсол пас аз июл аст",-қайд кард коршинос.

Попов таъкид кард, ки дар охири моҳи сентябр рубл ягона асъори бузурги ҷаҳонӣ буд, ки нисбат ба доллар қавӣ шуд. Ба ин болоравӣ меъёри калидии Бонки Русия ва инчунин воридшавии маблағҳои хориҷӣ ба вомбаргҳои қарзи федералӣ мусоидат кард.
Денежные купюры, архивное фото - Sputnik Тоҷикистон, 1920, 25.09.2021
Коршинос гуфт, ки кай долларро бо рубл таъҷилан иваз кард
Пештар иқтисоддони аршади шуъбаи таҳлилии бонки "Открытие" Максим Петроневич гуфта буд, ки кай харидани асъори хориҷӣ фоидаовартар аст.
Ба гуфтаи ӯ, дар ҳоли ҳозир хатари бад шудани равобити Русия ва Амрико бинобар таҳримҳои эҳтимолӣ вуҷуд дорад ва аз ин рӯ асъор бояд тадриҷан харида шавад.
Давраи аз ҳама мувофиқ барои харидҳо охири моҳ аст. Дар ин муддат, ба гуфти коршинос, ширкатҳо барои пардохти андоз асъори бештар мефурӯшанд. Ҳамин тариқ қимати рубл бинобар афзоиши талабот рӯ ба боло меорад.
Лентаи хабарҳо
0