"Ҳамаро ба дӯши президент гузоштанд": Лукашенко хостори тақсими салоҳиятҳо шуд

© Пресс-служба МИД РФ / Гузаштан ба хазинаи аксПрезидент Белоруссии Александр Лукашенко
Президент Белоруссии Александр Лукашенко - Sputnik Тоҷикистон, 1920, 01.10.2021
Александр Лукашенко, раисҷумҳури Беларус хостори тақсими салоҳиятҳо шуд, ки ба гуфтаи ӯ, феълан ҳама ба дӯши президент аст
ДУШАНБЕ, 1 окт — Sputnik. Раисҷумҳури Беларус дар мулоқот бо мақомдорони кишвараш гуфтааст, Конститутсияи нав ба масъалаи тақсими салоҳиятҳо нуқта хоҳад гузошт.
Ба иттилои саҳифаи телеграмиии "Пул Первого", Лукашенко ин нуктаро дар мулоқот бо мақомдорони дастгоҳи раисҷумҳур зимни баррасии масоили кадрӣ, идеологӣ ва қонунгузорӣ баён доштааст.
"Агар мо сари вақт ба тақсими салоҳиятҳо машғул мешудем, шояд феълан сухан дар бораи конститутсияи нав намерафт. Бояд бархе салоҳиятҳои раисҷумҳурро гирифт", - изҳор дошт ӯ.
Президент Белоруссии Александр Лукашенко - Sputnik Тоҷикистон, 1920, 20.09.2021
Лукашенко пас аз сафар ба Тоҷикистон сафирашро иваз кард
Лукашенко изҳор доштааст, ки ҳукумат бояд ба масоили иқтисодӣ машғул шавад, дастгоҳи раисҷумҳур ба масоили кадрию идеологӣ машғул бошад.

"Ҳозир ҳамаро ба дӯши президент вогузорштаанд. Имрӯз бояд масъулиятҳоро тақсим кунем. Конститутсия бояд дар ин масъала нуқта гузорад",-таъкид намуд раисҷумҳур.

Ин дар ҳолест, ки феълан дар Беларус таҳияи Конститутсияи нав идома дошта, раъйпурсии умумихалқӣ барои қабули он на дертар аз моҳи феврали соли 2022 дар назар дошта шудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала