Ташхисҳои тақаллубии техникӣ: Ҳушдори ВКД ба ронандагон

Техосмотр, архивное фото - Sputnik Тоҷикистон, 1920, 09.10.2021
Вазорати умури дохилии Тоҷикистон ронандагонеро, ки зимни гирифтани баргаи ташхиси техникӣ аз хидмати миёнаравҳо истифода мебаранд, ҳушдор дод
ДУШАНБЕ, 9 окт — Sputnik. Мақомоти умури дохилии Тоҷикистон мегӯянд, рейд дар вилояти Суғд баргаҳои зиёди тақаллубиро ошкор кард, ки бо ифтитоҳи парвандаи ҷиноӣ алайҳи ронандагон анҷомид.
Шодӣ Солеҳзода, муовини сардори шуъбаи техникии БДА дар вилояти Суғд, зимни як гузориши ВУД тариқи телевизиони Тоҷикистон изҳор дошт, ки вақтҳои охир ронандагон ташхиси техникии воситаҳои нақлиёти худро тариқи миёнаравон анҷом медиҳанд. Ӯ гуфт, санҷишҳои ахир нишон додаанд, ки бисёри ҳуҷҷатҳои ташхиси техникӣ тақаллубӣ мебошанд.
Солеҳзода таъкид намуд, ки пеш аз ҳама ин амал бар зарари ронандагон мебошад, чун алайҳи онҳо барои асноди тақаллубӣ парвандаи ҷиноятӣ кушода мешавад.
Статуя Фемиды - Sputnik Тоҷикистон, 1920, 04.02.2021
Парвандаҳои пурсарусадои корупсионӣ
Дирӯз мансабдор - фардо дузд: пурсарусадотарин парвандаҳои ҷиноии кормандони давлатӣ
Вазорати умури дохилии Тоҷикистон аз ронандагон даъват намудааст, ки муоинаи техникии худравҳояшонро бевосита худашон дар нуқтаҳои махсус ташкилкардашуда гузаронанд.
Дар акси ҳол мақомоти умури дохилӣ ҳушдор додаанд, алайҳи афроде, ки аз миёнаравҳо баргаҳои таққаллубии ташхиси техникӣ мегиранд, бар асоси моддаи 340-и Кодекси ҷиноятӣ парванда оғоз мешавад. Банди аввали ин моддаи Кодекси ҷиноӣ то 365 нишондиҳанда барои ҳисобҳо ҷарима ё то ду соли зиндонро пешбинӣ кардааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала