Пешниҳоди Раҳмон: Дар Тоҷикистон бахшҳои донишгоҳҳои бонуфузи Фаронса боз шаванд

© Дафтари матбуоти презтиденти ҶТМулоқот Эмомалӣ Раҳмон бо Раиси сенати Фаронса Жерар Ларше
Мулоқот Эмомалӣ Раҳмон  бо Раиси сенати Фаронса Жерар Ларше

 - Sputnik Тоҷикистон, 1920, 14.10.2021
Тоҷикистон мехоҳад барои таъмини кадрҳои баландихтисос дар иқтисоди миллӣ кадрҳоро дар Фаронса омода кунад
ДУШАНБЕ, 14 окт — Sputnik. Президенти Тоҷикистон Эмомалӣ Раҳмон дар идомаи сафараш ба Фаронса бо раиси сенати ин кишвар Жерар Ларше масоили ҳамкориҳои сиёсӣ ва робитаҳои байнипарлумониро баррасӣ кардаанд, хабар медиҳад котиботи раисҷумҳури кишвар.
Эмомалӣ Раҳмон зимни мулоқот Фаронсаро шарики боэътимод ва ҷойгоҳи онро дар сиёсати хориҷии Тоҷикистон муҳиму афзалиятнок маънидод намудааст.
Ҷонибҳо аз сатҳи имрӯзаи ҳамкориҳо изҳори қаноатмандӣ карда, барои рушди минбаъдаи муносибатҳои дӯстӣ ва равобити барои ду кишвар судманд омодагии худро иброз доштанд.
Эмомали Рахмон прибыл с официальным визитом во Францию - Sputnik Тоҷикистон, 1920, 13.10.2021
Музокироти Тоҷикистону Фаронса: Мавқеи Раҳмон дар бораи Афғонистон ва маорифу сармоягузорӣ
Таъкид гардидааст, ки дар муносиботи ду кишвар ҳамкории байнипарлумонӣ мавқеи хос дошта, Тоҷикистон барои омӯзиши системаи пешрафтаи меъёрҳои парлумонӣ ва ҳуқуқии Фаронса омода аст.
Раҳмон ва Ларше бахшҳои ояндадори ҳамкориҳоро баррасӣ намуда, ҷониби Тоҷикистон идомаи татбиқи лоиҳаҳои сармоягузории муштарак бо истифодаи таҷрибаи бойи Фаронса ва истифодаи имкониятҳои ширкатҳои фаронсавиро зарур шумурдааст.
Дар мулоқот таъмини кадрҳои баландихтисос дар бахшҳои иқтисоди миллии Тоҷикистон, ҷудо кардани квотаҳо барои таҳсили шаҳрвандон дар муассисаҳои олии Фаронса ва таъсиси филиалҳои донишгоҳҳои бонуфузи Фаронса дар Тоҷикистон зарур шумурда шуд.
Эмомали Рахмон прибыл с официальным визитом во Францию - Sputnik Тоҷикистон, 1920, 13.10.2021
Раҳмон Макронро ба Тоҷикистон даъват кард
Масоили Афғонистон дар ин дидор низ дар канор намонд.
Зимни баррасии масоили ҳамкории амниятӣ ҷонибҳо дар робита ба ҳалли қазияи Афғонистон, ҷалби таваҷҷуҳи ҷомеаи ҷаҳонӣ барои аз байн бурдани мушкилоти башарӣ, дахолати ташкилоту созмонҳои байналмилалӣ, аз ҷумла Созмони Милали Муттаҳид андешаронӣ карданд.
Дар поёни мулоқот Эмомалӣ Раҳмон Жерар Ларшеро ба Тоҷикистон даъват кардааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала