Президент РФ Владимир Путин выступает во время военного парада на Красной площади - Sputnik Тоҷикистон, 1920
Русия
Русия бузургтарин кишвари ҷаҳон аст, ки дар Аврупои Шарқӣ ва Осиёи Шимолӣ ҷойгир аст. Манзараи Русия бениҳоят гуногун аст: дар ҳудуди он тундра, ҷангалҳо ва соҳилҳои субтропикӣ мавҷуданд. Охирин хабару гузоришҳои вобаста ба Русия дар ин пайванд гирд оварда шудаанд.

Коршинос сабаби асосии ихроҷи муҳоҷирон аз Русияро гуфт

© Sputnik / Александр Кряжев / Гузариш ба медиабонкПассажир в защитной маске в международном аэропорту
Пассажир в защитной маске в международном аэропорту  - Sputnik Тоҷикистон, 1920, 15.10.2021
Обуна шудан
Мутахассис сабаби умумии ихроҷи хориҷиёнро аз Федератсияи Русия ном бурда, чӣ гуна аз он канорагирӣ карданро гуфт
ДУШАНБЕ, 15 окт — Sputnik. Сабаби асосии ихроҷи шаҳрвандони хориҷӣ аз Русия вайрон кардани шартҳои будубош дар Федератсияи Русия мебошад. Дар ин бора раиси Иттифоқи касабаи муҳоҷирони меҳнатӣ Ренат Каримов дар канали "Telegram"-и "Радиоточка НСН" хабар дод.
Вай ёдовар шуд, ки хориҷиён ҳақ доранд, дар давоми шаш моҳ на бештар аз 90 рӯз дар Русия бимонанд ва сипас ба ватанашон раванд. Барои роҳ надодан ба қонуншиканиҳо онҳо танҳо пас аз се моҳ метавонанд ба Федератсияи Русия баргарданд.
Ситуация у миграционного центра в Подмосковье - Sputnik Тоҷикистон, 1920, 14.10.2021
Беш аз сад ҳазор муҳоҷири тоҷик дар рӯйхати "афви муҳоҷирон" қарор гирифт
Каримов ба зарурати дарёфти патент ба муҳоҷирони корӣ таъкид кард. Дар сурати набудани манобеи молӣ як хориҷӣ ба вайронкунандаи қонун табдил меёбад, афзуд ӯ.
"Ӯро бар асоси сабти ном пайгирӣ мекунанд. Дер ё зуд вай Русияро тарк хоҳад кард. Ҳангоми дигарбора ворид шуданаш маълум мешавад, ки чанд муддат дар ин ҷо ғайриқонунӣ буд", - гуфт коршинос.
Сипас вуруд ба таври худкор барои муҳоҷир баста мешавад. Инчунин асноди хориҷиёнро метавонанд дар кӯча санҷанд.

"Агар онҳо фаҳманд, ки ӯ муддати тӯлонӣ бе патент Русияро тарк накардааст, пас қарори манъи вуруди ӯ ба Федератсияи Русия ба дасташ дода мешавад", - таъкид кард Каримов.

Агар ба додгоҳ муроҷиат кунем, вазъ бадтар мешавад. Ҳамзамон афв нисбати хориҷиёне, ки бо қарори додгоҳ хориҷ карда шудаанд, татбиқ намегардад.
Лидер партии ЛДПР Владимир Жириновский  - Sputnik Тоҷикистон, 1920, 14.10.2021
"Шумо мебинед, ки онҳо чӣ кор хоҳанд кард": ҳайрати Жириновский аз афви муҳоҷирон
Қаблан роҳбари Федератсияи муҳоҷирони Русия Вадим Коженов аз лағви қарори манъи вуруди 150 ҳазор муҳоҷир аз Тоҷикистон хабар дода буд.
Ба гуфтаи Кирилл Кабанов, узви раёсати Шӯрои ҳуқуқи инсон, чунин тасмим ҷиноят дар Русияро афзоиш медиҳад ва таҳдиди амниятӣ ҳам ҳаст.
Лентаи хабарҳо
0