“Маркази ISI дар Бунёди Масъуд”: омӯзишҳои террористӣ дар вилояти ҳаммарз бо Тоҷикистон

© Аз саҳифаи твиттери Забеҳуллоҳ Муҷоҳид, сухангӯи созмони мамнӯи "Толибон"Нерӯҳои махсуси "Толибон", созмони мамнӯъ дар Тоҷикистон, Русия ва бархе кишварҳои дигар, ки ба вилояти Тахор фиристода шудаанд
Нерӯҳои махсуси Толибон, созмони мамнӯъ дар Тоҷикистон, Русия ва бархе кишварҳои дигар, ки ба вилояти Тахор фиристода шудаанд - Sputnik Тоҷикистон, 1920, 16.10.2021
“Шабакаи Ҳаққонӣ”* дар шаҳри Толиқон, маркази вилояти Тахори Афғонистон як маркази омӯзишӣ барои террористон эҷод кард
ДУШАНБЕ, 16 окт — Sputnik. Тахор бо вилояти Хатлони Тоҷикистон ҳаммарз буда, қаблан як воҳиди баталёни истишҳодӣ ё маргталаб ба номи “Лашкари Мансурӣ”-и “Толибон” низ дар ин вилоят мустақар шуда буд.
Манбаи Sputnik Тоҷикистон дар шаҳри Толиқон мегӯяд, ин марказ ҳудуди як ҳафтаи қабл дар сохтмони Бунёди Аҳмадшоҳи Масъуд, дар гузашта маркази амалиётҳои Шӯрои наззор таъсис ёфта, дар он шаҳрвандони хориҷиву дохилӣ тарбият мешаванд.
“Ин роз вақте ошкор шуд, ки “Шабакаи Ҳаққонӣ” барои писари Ҳоҷӣ Нуриддин, волии Тахор аз шаҳри Кобул як чизе аз Кобул фиристода, аз ӯ хоста буд, ки онро аз бинои Бунёди Аҳмадшоҳи Масъуд дарёфт кунад. Вақте ӯ меравад, мебинад, ки дар даромадгоҳи сохтмон афроди мусаллаҳи ниқобпӯш истодаанд ва ба ӯ иҷозаи ворид шудан намедиҳанд. Он чизеро, ки барояш фиристода буданд, ба ӯ оварда медиҳанд. Писари волӣ вақте мепурсад, ки чӣ хабар аст, ба ӯ мегӯянд, ин ҷо маркази омӯзишии халифа соҳиб аст”, - гуфт манбаъ.
Нерӯҳои махсуси Толибон, созмони мамнӯъ дар Тоҷикистон, Русия ва бархе кишварҳои дигар, ки ба вилояти Тахор фиристода шудаанд - Sputnik Тоҷикистон, 1920, 27.09.2021
Таҳдиди “Толибон” ба Тоҷикистон: “Лашкари Мансурӣ”-ро чаро сохтанд?
“Халифа соҳиб”-ро “Толибон”* ба Сироҷуддин Ҳаққонӣ, раҳбари “Шабакаи Ҳаққонӣ”, ҳоло вазири корҳои дохилии “Толибон”* мегӯянд, ки ин лақабро ба хотири раҳбарии ин шабакаи террористӣ камоӣ кардааст. Манбаъ мегӯяд, яке аз посбонони ин марказ ба писари волӣ гуфтааст, ки дар он ӯйғурҳо, ӯзбекҳои Ҳаракати исломии Ӯзбекистон ва ӯзбекҳои Афғонистон тамрин мекунанд.
“Теъдоди онҳо беш аз 200 нафар буда, устодонашон мутахассисини Созмони истихбороти Покистон (ISI) мебошанд. Дар се баст – ҷангҳои чирикӣ, инфиҷор ва минасозӣ дарс меомӯзанд. Аммо барои куҷо омода мешаванд, маълум нест. Афғонистонро, ки забт карданд”, - гуфт манбаъ.
Пас аз соли 1992, баъди ба қудрат расидани муҷоҳидин дар Афғонистон маркази операсиюн ё амалиётҳои Шӯрои наззор дар маркази шаҳри Толиқон таъсис ёфт ва раҳбарии он бар дӯши Солеҳ Муҳаммади Регистонӣ, ҳоло фармондеҳи умумии Ҷабҳаи муқовимати миллии Афғонистон ба раҳбарии Аҳмади Масъуд буд.
Шӯрои наззор танзими низомиест, ки соли 1984 аз сӯи Аҳмадшоҳи Масъуд таъсис ёфта ва раҳбариашро худаш бар дӯш дошт. Пас аз суқути ҳукумати “Толибон”* дар Афғонистон маркази операсиюни Толиқон ба дафтари Бунёди Шаҳид Аҳмадшоҳи Масъуд, як созмони ҷамъиятӣ табдил ёфта буд.
Солдаты Талибана идут перед протестующими во время антипакистанской акции протеста в Кабуле - Sputnik Тоҷикистон, 1920, 08.10.2021
Дипломати рус: "Толибон"* вазъро дар марзи Тоҷикистон назорат карда наметавонанд
“Толибон”* қаблан дар Тахор ва дигар вилоятҳои Шимол – Кундузу Бадахшон, ки бо Тоҷикистон ҳаммарзанд, як баталёни истишҳодиҳо ё маргталабонро ба манзури ҳифзи сарҳадот ҷойгузин карда буд.
Ин таҳаррукот пас аз он иттифоқ афтод, ки Тоҷикистон аз ҳукумати онҳо ба таври аланӣ интиқод намуд ва онро як ҳукумати ҳамашумул ҳисоб накард.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала