Ваъдаи "Толибон"* барои боз кардани мактабҳои духтарон дар Афғонистон

© AFP 2021 / KAMRAN SHEFAYEEШкола для девочек в Афганистане
Школа для девочек в Афганистане - Sputnik Тоҷикистон, 1920, 16.10.2021
ЮНИСЕФ аз қавли як мақоми "Толибон"* гуфтааст, ин гурӯҳ ваъда додааст, ки ба зудӣ мактабҳои духтаронро дар Афғонистон боз мекунад
ДУШАНБЕ, 16 окт — Sputnik. Ду моҳ пас аз баста шудани мактабҳои духтарон аз сӯйи "Толибон"*, як мақомдори СММ гуфтааст, ки ин гурӯҳ ваъда додааст, ки ба зудӣ мактабҳои духтаронро боз хоҳанд кард.
Муовини ЮНИСЕФ Умар Абдӣ ба хабарнигорон гуфт, ки аллакай мактабҳои духтарона дар Балх, Ҷузҷон, Самангон, Кундуз ва Урузгон боз шудаанд.
Абдӣ, ки ҳафтаи гузашта аз Кобул дидан карда буд, таъкид кард, иҷрокунандаи сарпарасти Вазорати таҳсилоти муваққатии "Толибон"* ба ӯ итминон додааст, ки ин гурӯҳ бо тартиби нави ифтитоҳи мактабҳои духтарон корбарӣ мекунад ва мактабҳо дар давоми як -ду моҳи оянда боз мешаванд.

Пас аз сари қудрат омадани "Толибон"* миллионҳо донишҷӯдухтар аз таҳсил маҳрум шуд", - афзудааст ӯ.

Қаблан "Толибон"* эълом карда буд, ки барои боз кардани мактабҳои духтарона дар Афғонистон кор мекунанд.
Дар робита ба ин Билол Каримӣ, муовини сухангӯи "Толибон"* изҳори умедворӣ кард, ки ба зудӣ дастурҳои боз кардани мактабҳои духтарон таҳия мешавад.
"Мо кӯшиш мекунем дастурҳоро иҷро кунем, то духтарон таҳсили худро дар муҳити бехатар идома диҳанд", - гуфт ӯ.
Каримӣ дар бораи вақт ва ҷузъиёти ин дастур шарҳ надод.
Студенты во время урока в университете Avicenna в Кабуле  - Sputnik Тоҷикистон, 1920, 14.09.2021
Қонуни нави "Толибон"* дар донишгоҳҳо ва ҳушдор ба духтарону писарон
Аксари мактабҳо дар пойтахти Афғонистон аз замони ба сари қудрат омадани "Толибон"* дар моҳи гузашта баста шуданд.
Мактабҳои миёнаи писарон дар ҳафтаҳои ахир боз шуда буданд, аммо духтарон аз иштирок дар он манъ карда шуданд.
Ин иқдоми "Толибон"* вокунишҳои густардаеро ба бор овардааст. Дар робита ба ин президенти пешини Афғонистон Ҳомид Карзай гуфта буд, ки духтарони афғонистонӣ бояд ҳарчи зудтар ба мактаб баргарданд.
Карзай таъкид карда буд, ки Афғонистон бидуни занони маълумотдор кишвари пешрафта нахоҳад буд.
* - созмони террористии мамнуъ дар Русия, Тоҷикистон ва баъзе аз кишварҳои дигар
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала