Нархи маводи сӯхт дар Тоҷикистон гарон мешавад

© Sputnik / Константин МихальчевскийЗаправка бензином автомобиля на автозаправочной станции АЗС
Заправка бензином автомобиля на автозаправочной станции АЗС  - Sputnik Тоҷикистон, 1920, 17.10.2021
Интизор меравад, дар Тоҷикистон арзиши сӯзишворӣ боз гарон шавад, аммо камчин шудани он пешгӯӣ намешавад
ДУШАНБЕ, 17 окт — Sputnik. Дар Тоҷикистон эҳтимол нархи бензин дар охири моҳи октябр ва авоили моҳи ноябр боло равад.
Дар ин бора намояндаи ширкати "Газпромнефт - Тоҷикистон" ба агентии "Ховар" иттилоъ додааст.
Ба гуфтаи ӯ, ин ба далели болоравии нархи сӯзишворӣ дар кишварҳои содиркунанда, аз ҷумла Русия, Қазоқистон, Ӯзбекистон ва чанд давлати дигар сурат хоҳад гирифт.

"Арзиши як литр бензини АИ-95 метавонад ба 11,10 сомонӣ (0,98 доллар), АИ-92-10,90 сомонӣ (0,96 доллар) ва сӯзишвории дизелӣ 10,50 сомонӣ (0,93 доллар) расад", - гуфт намояндаи ширкати "Газпромнефт".

Буҳрони энержӣ дар Аврупо ба интиқоли бензин дар нуқтаҳои фурӯши сӯзишвории Тоҷикистон таъсир нарасонд. Ба гуфтаи як манбаъ дар Хадамоти зиддиинҳисории Тоҷикистон, дар истгоҳҳо камбуди сӯзишворӣ вуҷуд надорад.
Дар баробари ин коҳиши нархи чаканаи гази моеъ ва болоравии нархи чаканаи бензин ва сӯзишвории дизелӣ мушоҳида мешавад.
АЗС в Москве  - Sputnik Тоҷикистон, 1920, 08.10.2021
Дар Суғд қимати бензин ва сӯзишвории дизелӣ дубора афзоиш ёфт
Гуфта мешавад, мутахассисони Хадамоти зиддиинҳисорӣ назорати бозори маҳсулоти нафтиро идома медиҳанд ва дар сурати беасос боло рафтани нарх чораҳо меандешанд. Ба эҳтимоли зиёд камбуди сӯзишворӣ ба Тоҷикистон таҳдид намекунад.
Охири моҳи сентябр намояндагони ҷумҳурӣ бо кормандони ширкати "Ӯзбекнефтегаз" таъмини маводи сӯхтро баррасӣ карданд. Ин созмон аз вуҷуди имкони интиқоли то 50-55 ҳазор тонна гази моеъ дар як сол ба Тоҷикистон хабар дод.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала