Дар Афғонистон кӯдаконро ваксина мезананд

© REUTERS / Jorge SilvaДети из приюта играют во дворе после школьных занятий, Кабул
Дети из приюта играют во дворе после школьных занятий, Кабул - Sputnik Тоҷикистон, 1920, 19.10.2021
Бунёди кӯдакон мегӯяд, маъракаи моякӯбӣ (ваксиназанӣ) алайҳи фалаҷи атфол дар Афғонистон пас аз музокироти СММ ва "Толибон"*, аз моҳи ноябр оғоз мешавад
ДУШАНБЕ, 19 окт — Sputnik. "Толибон"* тасмим гирифт, ки ваксиназании зидди фалаҷи атфол дар Афғонистонро дубора оғоз кунанд, хабар медиҳад котиботи СММ бо истинод ба ЮНИСЕФ.
Тибқи иттилои ин фонд, маъракаи ваксинзании зидди фалаҷи кӯдак дар Афғонистон моҳи ноябр дар пайи музокироти СММ ва "Толибон"*, ки ҳадафи он расонидани кӯмаки тиббӣ ба аҳолии Афғонистон аст, аз сар гирифта мешавад.
Илова бар ин ҷонибҳо ба мувофиқа расиданд, ваксинзанӣ алайҳи бемории сурхча ва коронавирус ҳам ба роҳ монда мешавад
Медицинский работник вводит капли вакцины против полиомиелита ребенку - Sputnik Тоҷикистон, 1920, 24.05.2021
Воридоти миллионҳо ваксинаи зидди фалаҷи атфол ба Тоҷикистон
"Ваксинзанӣ аз 8 ноябр шуруъ мешавад ва ҳамаи кӯдаконро дарбар хоҳад гирифт", - омадааст дар хабар.
Зикр гардид, ки моҳи декабр маъракаи дувуми моякӯбӣ алайҳи фалаҷи атфол гузаронда мешавад.
Мувофиқи маълумоти ЮНИСЕФ, Афғонистон метавонад полиомиелитро пурра аз байн барад, зеро имсол дар кишвар танҳо як ҳолати ин беморӣ ба қайд гирифта шудааст.
Ёдовар мешавем, ки дар Тоҷикистон ваксиназанӣ алайҳи бемории фалаҷ анҷом ёфт. Ба ҷумҳурӣ 4 630 миллион воя ваксини индонезии зидди фалаҷи атфол ворид гардида буд.
Бояд гуфт, ки ваксин ба кишвар баъди оне ворид гардид, ки СҶБ дар бораи бурузи бемории фалаҷи атфол дар Тоҷикистон хабар дод. Бино бар изҳороти расмии Вазорати тандурустӣ, ин беморӣ бино бар сари вақт эм нашудани кӯдакон авҷ гирифт.
* гуруҳи мамнуъ дар Тоҷикистон ва Русия
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала