Барфу борон дар ВМКБ: дамои ҳаво барои 19 октябр дар Тоҷикистон

© Sputnik / Александр Кряжев / Гузаштан ба хазинаи аксДевушка поз зонтом в осеннем парке
Девушка поз зонтом в осеннем парке  - Sputnik Тоҷикистон, 1920, 19.10.2021
Ҳавошиносони тоҷик имрӯз, 19 октябр дар қаламрави шарқи Вилояти Мухтори Кӯҳистони Бадахшон бориши сусту барфро пешгӯӣ мекунанд.
ДУШАНБЕ, 19 окт — Sputnik. Ба ииттилои Агентии обуҳавошиносӣ, дар Вилояти Мухтори Кӯҳистони Бадахшон ҳаво тағйирёбанда шуда, шабона ва саҳаргоҳон дар ноҳияҳои ғарбии вилоят борони кӯтоҳмуддат меборад.
Дар шарқи вилоят бориши сусти барф ба амал омада, рӯзона қатъ мешавад.
Ҳаво дар ғарби вилоят шабона 5-10 ва рӯзона 18-23 дараҷа гарм мешавад. Дар шарқи вилоят шаб ҳавои сарди 5-10 ва рӯз гармии 5-10-дараҷаиро интизор бояд шуд.
Ҳаво дар вилояти Суғд тағийрёбандаи бебориш гуфта мешавад. Дамо дар ин вилоят шабона ба 4-9 ва рӯзона ба 20-25 дараҷа мерасад. Дар ноҳияҳои кӯҳӣ ҳаво шабона аз 1 дараҷа хунук то 4 дараҷа гарм ва рӯзона ин гармӣ 15-20 дараҷа гуфта шудааст.
Вилояти Хатлон ҳавои камабру тағйирёбандаи бебориш хоҳад дошт. Водиҳо шабона 6-11 ва рӯзона 23-28 дараҷа гарманд. Ҳадди дамо дар доманакӯҳҳо шабона ба 3-8 ва рӯзона ба 18-23 дараҷа мерасад.
Дар шаҳру ноҳияҳои тобеи марказ ҳавои тағийрёбандаи бебориш пешбинӣ шудааст. Ҳаво дар водиҳо шабона 5-10 ва рӯзона 21-26 дараҷа гарм мешавад. Дар ноҳияҳои кӯҳӣ ҳаво шабона 1-6, рӯзона 18-23 дараҷа гарм гузориш шудааст.
Дар шаҳри Душанбе ҳавои тағйирёбандаи бебориш, шабона 8-10 ва рӯзона 23-25 дараҷа гарм аст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала