Садамаи маргбор дар Файзобод: ронанда фавтиду мусофиронаш бистарӣ шуданд

© Sputnik / Рамиз БахтияровМашина скорой помощи
Машина скорой помощи - Sputnik Тоҷикистон, 1920, 21.10.2021
Бар асари бархӯрди ду мошин дар ноҳияи Файзобод як нафар ҷон бохту дуи дигар дар бемористон бистарӣ шудаанд
ДУШАНБЕ, 21 окт — Sputnik. Дар шоҳроҳи Ваҳдат - Лахш - Рашт садамаи маргбори нақлиётӣ рух дод, хабар медиҳад Вазорати умури дохилии Тоҷикистон.
Ин ниҳод меафзояд, садама нисфирӯзии 20-уми октябр, дар рӯ ба рӯи деҳаи Бобои Валии ноҳияи Файзобод рух додааст.
Ронандаи 43-сола аз шаҳраки Ғарм ҳангоми ҳаракат дар шоҳроҳи Ваҳдат - Лахш - Рашт, дар ҳудуди ноҳияи Файзобод аз уҳдаи идора кардани нақлиёт набаромадааст.
ДТП, архивное фото - Sputnik Тоҷикистон, 1920, 20.10.2021
Бархӯрди маргбори "Мерседес-Бенс" ба боркаши корношоям дар роҳи Душанбе - Панҷи Поён
Дар натиҷа номбурда ба автомашинаи "Лада-2017", таҳти идораи ронандаи 59-сола, сокини деҳоти Чоряккорони ноҳияи Рӯдакӣ бархӯрдааст.
Пас аз бархӯрди ду худрав ронандаи автомашинаи "Лада-2017" аз ҷароҳатҳои бардошта дар ҷойи ҳодиса ба ҳалокат расид. Ҳамчунин ду мусофираш, ки яке 44 ва дигаре 12 сол доранд, ҷароҳатҳои ҷисмонӣ бардошта, ба беморхона интиқол ёфтаанд.
ВУД Тоҷикистон мегӯяд, таҳқиқи ҳодисаи мазкур идома дорад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала