Қирғизистон аз Туркияву Русия бесарнишинҳои "Байрактар" ва "Орлан-10Е" мехарад

© Sputnik / Алексей Куденко / Гузаштан ба хазинаи аксБеспилотник Bayraktar TB2, архивное фото
Беспилотник Bayraktar TB2, архивное фото - Sputnik Тоҷикистон, 1920, 22.10.2021
Раиси Кумитаи давлатии амнияти миллӣ гуфт, ин ҷумҳурӣ ба маблағи 300 миллион сомонӣ таҷҳизоти низомӣ харидааст
ДУШАНБЕ, 22 окт - Sputnik. Қирғизистон аз Туркия ва Русия ҳавопаймоҳои бидуни сарнишин мехарад. Дар ин бора 21 октябр муовини сарвазир ва раиси Кумитаи давлатии амнияти миллӣ Қамчибек Тошиев хабар дод, менависад Sputnik Қирғизистон.
Ба гуфтаи ӯ, пул барои ин аллакай аз буҷа пардохт шудааст. Аммо Тошиев ҳаҷми маблағи сарфкарда барои харидории паҳподҳоро ифшо накард.

"Ҳоло дар Туркия барои мо бесарнишинҳои "Bayraktar" месозанд. Танҳо панҷ кишвар чунин дрон дорад ва яке аз онҳо Қирғизистон хоҳад буд. Ба зудӣ он ба мо мерасад. Айни замон мардуми мо дар Туркия барои идора (идораи бесарнишин, - аз идора) таҳсил ва омодагӣ мегиранд",- гуфт ӯ.

Аммо раиси Кумитаи давлатии амнияти миллӣ мушаххас накард, ки ин кишвар кадом модели бесарнишинро мехарад ва онҳо чанд ададанд.
Хабаргузории туркии "Анадолу" менависад, ки Тошиев дронҳои "Bayraktar" TB2-ро дар назар дошт.
Аз Русия, ба гуфтаи Тошиев, Қирғизистон паҳподи "Орлан-10Е" мехарад ва маблағи он низ ҷудо шудааст.
Президент Кыргызстана Садыр Жапаров - Sputnik Тоҷикистон, 1920, 21.10.2021
Ҷабборов дар бораи таҳкими марз ва посухи ҷиддӣ: Мо ҳеҷ гоҳ низоъро шуруъ накардаем
"Bayraktar" аз муваффақтарин бесарнишини зарбазани истеҳсоли Туркия буда, дар низоъҳои мусаллаҳона дар Сурия ва Қаробоғи Кӯҳи истифода шудааст.
Дрони русии "Орлан-10Е" бошад, барои гузаронидани мониторинги сатҳи фазо, замин ва об пешбинӣ шудааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала