Тиҷорати Туркия ва Тоҷикистон афзоиш меёбад

© Министерство Экономического Развития и Торговли РТВстреча первого заместителя министра экономического развития и торговли с Чрезвычайным и Полномочным Послом Турецкой Республики в Таджикистане
Встреча первого заместителя министра экономического развития и торговли с Чрезвычайным и Полномочным Послом Турецкой Республики в Таджикистане - Sputnik Тоҷикистон, 1920, 27.10.2021
Тоҷикистону Туркия харитаи роҳ барои афзоиши ҳаҷми тиҷоратро таҳия мекунанд
ДУШАНБЕ, 27 окт — Sputnik. Тоҷикистон ва Туркия тасмим гирифтанд, ки дар ояндаи наздик харитаи роҳ барои ба маротиб афзоиш додани ҳаҷми гардиши савдо миёни ду кишварро омода намоянд, иттилоъ додааст дафтари матбуотии Вазорати рушди иқтисод ва савдои Тоҷикистон.
Таъкид шудааст, ки масъалаи мазкур зимни мулоқоти муовини якуми Вазири рушди иқтисод ва савдои Тоҷикистон Ашӯрбой Солеҳзода бо сафири Туркия дар Тоҷикистон Эмре Зеки Карагол баррасӣ шудааст.
Тибқи иттилои манбаъ, тарафҳо ҳамзамон масъалаҳои тақвияти ҳамкории тиҷоративу иқтисодӣ, таъсиси гурӯҳи кории омодасозии харитаи роҳи ба ба маротиб афзоиш додани ҳаҷми гардиши савдои миёни Тоҷикистон ва Туркия, ба имзо расонидани Ёддошти тафоҳуми ҳамкории миёни минтақаҳои озоди иқтисодии ду кишвар, инчунин ҳамкорӣ дар соҳаи тиҷорати электронӣ ва дигар масъалаҳои муҳими ҳамкории тиҷоративу иқтисодӣ ва сармоягузориро баррасӣ намуданд.
Логистическая станция с контейнерами в Китае - Sputnik Тоҷикистон, 1920, 14.10.2021
Тоҷикистон ва Туркия гардиши молро ба як миллиард доллар мерасонанд
Зимни мулоқот таъкид шудааст, ки тайи 9 моҳи соли равон ҳаҷми тиҷорати дуҷониба миёни Тоҷикистону Туркия беш аз 16 фоиз афзоиш ёфта, 58 фоизи ҳаҷми умумии он ба содироти Тоҷикистон рост меояд.
Инчунин мақомоти Тоҷикистон зикр намудааст, ки рушди ҳамкории мутақобилан судманд бо Туркия барои Тоҷикистон афзалияти аввалиндараҷа дорад.
Дар интиҳо ҷонибҳо омодагии худро барои густариши бештари ҳамкории мутақобилан судманд баён намуданд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала