Врачи - Sputnik Тоҷикистон, 1920, 07.07.2021
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

"Толибон"* мехоҳад ваксини Русияро дастрас кунад

© Авиакомпания Aerolíneas Argentinas / Гузаштан ба хазинаи аксПрибытие рейса с вакциной Sputnik V в Аргентину
Прибытие рейса с вакциной Sputnik V в Аргентину - Sputnik Тоҷикистон, 1920, 29.10.2021
Вазири тандурустии Афғонистон мегӯяд, дар шароити феълӣ ҳеҷ гуна кӯмакро аз кишварҳо хориҷӣ барои мубориза бо коронавирус рад намекунанд
ДУШАНБЕ, 29 окт — Sputnik. Ҳукумати муваққати Афғонистон мехоҳад ваксини сохти Русия алайҳи бемории коронавирусро дастрас кунад.
Дар ин бора вазири тандурустии "Толибон"* Қаландар Ибод ба ТАСС хабар додааст.
"Ҳар чизе, ки барои мубориза бо пандемия ва таҳкими саломатии шаҳрвандони мо кӯмак мекунад, барои мо арзиши бузург дорад", - гуфт вазир.
Ба гуфтаи ӯ, се-чор моҳи пеш вазъи коронавирус дар Афғонистон ниҳоят нигарнкунанда буд, бахусус пас аз роҳ ёфтани навъи нави ҳиндии вирус вазъият бештар вахим шуд.
Вазир тавзеҳ дод, ки бо баста шудани равобити ҳавоӣ дар Афғонистон вазъият ба эътидол омад.
Дар ҳамин ҳол Амрико бо вуҷуди ваъдаи кумак ба Афғонистон барои мубориза бо коронавирус тааҳҳуди худро иҷро накардааст.
Гумпомощь из Узбекистана - Sputnik Тоҷикистон, 1920, 14.06.2021
Ӯзбекистон ба Афғонистон барои пешгирӣ аз коронавирус кумаки башардӯстона ирсол кард
Дар ин кишвар ба далели нарасидани ваксин ва мутахассисон вазъият вахим боқӣ мемонад.
Тибқи маълумоти Созмони Ҷаҳонии Беҳдошт, дар кишваре, ки 38,9 миллион нафар аҳолӣ дорад, беш аз 156 ҳазор нафар ба коронавирус мубтало гардидааст. Аз ин миён 7 262 бемор ҷон додааст.
* -гурӯҳи мамнуъ дар Тоҷикистон ва Русия
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала