Раҳмон аз даҳ сафири тозатаъйин эътимоднома қабул кард

© Пресс-служба Президента Республики ТаджикистанРахмон получил верительные грамоты от новоназначенных послов
Рахмон получил верительные грамоты от новоназначенных послов - Sputnik Тоҷикистон, 1920, 03.11.2021
Раисҷумҳури Тоҷикистон аз сафирони тозатаъйини Арабистони Саудӣ, Туркия, Британияи Кабир, Швейтсария, Чехия, Лаҳистон, Эстония, Бангладеш, Озарбойҷон ва Беларус эътимоднома қабул кард
ДУШАНБЕ, 3 ноя — Sputnik. Эмомалӣ Раҳмон аз даҳ сафири нави фавқулодда ва мухтори кишварҳои хориҷӣ эътимоднома қабул кард, иттилоъ додааст дафтари матбуотии президенти кишвар.
Бинобар иттилои манбаъ, ба раисҷумҳури Тоҷикистон зимни як маросим сафирони Беларус Виктор Денисенко, Озарбойҷон Алимирзамин Гаввам оғлӣ Аскаров, Туркия Эмре Зеки Карагёл, Подшоҳии Арабистони Саудӣ Валид ибни Абдураҳмон Ал-Решайдан, Британияи Кабир ва Ирландияи Шимолӣ Тимоти Айдан Маршалл Ҷонс, Швейтсария Дэвид Грихтинг, Чехия Ватслав Йелик, Лаҳистон Радослав Грук, Эстония Тоомас Тирс ва Ҷумҳурии Халқии Бангладеш Заҳангир Алам, эътимодномаҳоро бо паёму дуруд аз роҳбарияти кишварҳои хеш тақдим карданд.
Министр иностранных дел Таджикистана Сироджиддин Мухриддин - Sputnik Тоҷикистон, 1920, 21.10.2021
Муҳриддин ба сафири тозатаъйини Белорус дар Тоҷикистон муваффақият хост
Эмомалӣ Раҳмон зимни суханронӣ ҳамаи сафиронро ба муносибати оғози фаъолияти дипломатиашон табрику таҳният гуфта, иброз доштааст, ки сафирон бо талошу фаъолияти самарабахши худ барои такони тоза бахшидан ба муносибатҳои шарикӣ дар арсаҳои гуногуни ҳамкорӣ саҳми арзанда хоҳанд гузошт.
Эмомалӣ Раҳмон дар бораи рушду таҳкими робитаҳои дӯстӣ ва ҳамкории гуногунҷанбаи судманди Тоҷикистон бо ин кишварҳо андешаронӣ карда, изҳори умед кард, ки сафирони навтаъйин бо иҷрои рисолати сермасъулият саъю талошҳои пайгиронаи худро баҳри татбиқи ҳадафҳои неки рушду таҳкими робитаҳои дӯстӣ ва ҳамкории судманди давлатҳои худ бо Тоҷикистон ва барои ба сатҳи сифатан нав баровардани онҳо равона месозанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала