Эрон ба ҷомеаи ҷаҳонӣ: Ба афғонистониҳо кумак кунед, то ба марзҳои мо наоянд

© REUTERS / Saeed Ali Achakzai Семья, прибывающая из Афганистана, проходит через контрольно-пропускной пункт "Ворота дружбы" в пакистано-афганском пограничном городе Чаман, Пакистан
Семья, прибывающая из Афганистана, проходит через контрольно-пропускной пункт Ворота дружбы в пакистано-афганском пограничном городе Чаман, Пакистан - Sputnik Тоҷикистон, 1920, 10.11.2021
Вазири дохилаи Эрон бо ишора ба мавҷи ҷадиди муҳоҷирати афғонистониҳо ба ин кишвар аз кишварҳои ҷаҳон хост, ба Афғонистон кумак кунанд, то онҳо маҷбур нашаванд, худро ба марзҳои Эрон бирасонанд
ДУШАНБЕ, 10 ноя — Sputnik. Аҳмади Воҳидӣ, вазири умури дохилии Эрон ахиран дар баёнияе изҳор доштааст, дар сурате ки барои ҳалли буҳрони иқтисодии Афғонистон кумак нашавад, мавҷи тозаи муҳоҷирон на танҳо Эрон, балки кишварҳои аврупоиро низ таҳдид хоҳад кард, иттилоъ додааст Sputnik Афғонистон.

“Хуб, мо чӣ кор кунем? Чаро кумак ба афғонистониҳо ҳамрасонӣ намешавад? Чаро пулашон баста аст? Дар ҳоле ки маҳз ин кумакҳо онҳоро дар он ҷо нигоҳ медоранд; кумаке, ки онҳо маҷбур намешаванд, хона ва кошонаҳояшонро раҳо кунанд ва биёянд лаби марзҳо”, - гуфт вазири умури дохилии Эрон.

Ин мақомдори эронӣ ҳамчунин таъйид кард, ки ҳазорон паноҳанда аз Афғонистон ҳамарӯза барои убури марзи Эрон талош доранд.
“Мо рӯзона чанд ҳазор нафар муроҷиакунанда дар марзҳои худамон бо Афғонистон дорем ва агар ин муҳоҷиратҳо дар Эрон боқӣ намонад, ба Туркия ва аз он ҷо ба кишварҳои аврупоӣ мераванд”, - афзуд вай.
Грузовики в Афганистане, архивное фото - Sputnik Тоҷикистон, 1920, 08.11.2021
Эрон: Мушкилоти вуруди мошинҳои эронӣ ба Афғонистон бартараф шуд
Ба гуфтаи оқои Воҳидӣ, Эрон дар ҳоли ҳозир мизбони 3,5 миллион муҳоҷир аз Афғонистон аст ва бисёре аз афғонистониҳо пас аз омадани толибон ба сари қудрат дар моҳи августи соли равон талош доранд, кишварашонро тарк намоянд.
Эрон аз эҳтимоли мавҷи нави муҳоҷират аз Афғонистон ба кишварҳои аврупоӣ ҳушдор дод, дар ҳоле ки созмонҳои байналмилалӣ, аз ҷумла Созмони Милали Муттаҳид дар моҳҳои ахир аз эҳтимоли буҳрони башарӣ дар Афғонистон хабар дода буд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала