Ду куштори даҳшатбор дар Тоҷикистон: келин хушдоманашро кушту мард ҳамсарашро

© Sputnik Машина милиции в Таджикистане, архивное фото
Машина милиции в Таджикистане, архивное фото - Sputnik Тоҷикистон, 1920, 11.11.2021
Дар Тоҷикистон давоми як рӯз ду ҳодисаи даҳшатбори куштор рух додааст, ки якеро келини хонадон ва дигареро сокини 27-солаи Унҷии ноҳияи Бобоҷон Ғафуров содир намудааст
ДУШАНБЕ, 11 ноя — Sputnik. Дар ноҳияи Фархор зани 55-соларо келинаш бо ду зарби корд ба қатл расондааст, хабар медиҳад Вазорати умури дохилии Тоҷикистон.
Ба иттилои манбаъ, сокини 55-солаи ҷамоати деҳоти Дарқади ноҳияи Фархор дар манзили зисташ бо келини 31-солааш муноқиша намудааст.
Зимни муноқиша келини хонавода бо ду зарби корд хушдоманашро сахт маҷрӯҳ намуд. Манбаъ меафзояд, аснои ба бемористон интиқол додани зан ӯ ҷон додааст.
Ҳамчунин як ҳодисаи дигари куштор дар ноҳияи Бобоҷон Ғафуров сурат гирифтааст.
Ссора, архивное фото - Sputnik Тоҷикистон, 1920, 28.10.2021
Аз хушунат то қатлу куштор: дар Суғд ҷинояткорӣ алайҳи занон бештар шудааст
ВУД Тоҷикистон мегӯяд, марди 27-сола ҳамсари аз худ ду сол хурдашро барои суҳбат назди хоҷагии коммуналии шаҳраки Ғафурови ноҳияи мазкур даъват намуда, аз сабаби муноқишаи оилавӣ бо корд 13 маротиба ба аъзои бадани ӯ задааст.

"Ҷавонзани 25-сола дар ҷои ҳодиса ба ҳалокат расидааст", - омадааст дар хабари вазорат.

Пас аз қатли ҳамсараш мард се бори дигар ба бадани худаш корд задааст ва ҳоло ӯ дар бемористон қарор дорад.
ВУД Тоҷикистон мегӯяд, таҳқиқи ҳодисаҳои мазкур идома дорад.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала