Қаҳрамони ҷаҳон шуд: Акмалиддин дар 30-солагӣ ба орзуяш расид

© Фото : ОФИЦИАЛЬНЫЙ САЙТ ФИАСАкмалиддин Каримов - чемпион Азиатских игр Ашхабад 2017 по самбо
Акмалиддин Каримов - чемпион Азиатских игр Ашхабад 2017 по самбо - Sputnik Тоҷикистон, 1920, 12.11.2021
Акмалиддин Каримов, паҳлавони тоҷик дар риштаи самбо, ки то ҳол панҷ бор ба марҳилаи ниҳоии қаҳрамонии ҷаҳон расида буд, ниҳоят ҷойи аввалро гирифт
ДУШАНБЕ, 12 ноя — Sputnik. Акмалиддин Каримов, паҳлавони тоҷик, ки орзуяш қаҳрамони ҷаҳон шудан арзёбӣ мешуд, ниҳоят дар 30-солагӣ ба ҳадафаш расид.
Дар марҳилаи ниҳоии Қаҳрамонии ҷаҳон, ки шоми 12 ноябр дар шаҳри Тошканд баргузор шуд, Каримов бар ҳарифаш аз Русия Хертек Саян пирӯз гардида, медали тило ва унвони қаҳрамони ҷаҳонро гирифт.
Ӯ баъди шикаст додани паҳлавон аз Марокаш дар даври нимниҳоӣ бар варзишгар аз Қазоқистон Булатбек Раимқулов пирӯз шуда, дар даври ниҳоӣ бар ҳарифи русиягияш бо ҳисоби холҳо дастболо гардид.
Кубок мира по самбо в Москве - Sputnik Тоҷикистон, 1920, 12.11.2021
Хушқадам Хусравов ва Акмалиддин Каримов ба даври ниҳоии Қаҳрамонии самбо роҳ ёфтанд
Инчунин Хушқадам Хусравов низ то марҳилаи ниҳоӣ расида, медали нуқра ва унвони ноиби қаҳрамонро ба даст овард.
Тоҷикистонро дар Қаҳрамонии самбои ҷаҳон 14 нафар намояндагӣ мекунад. Мусобиқаи ҷаҳонии самбо дар пойтахти Ӯзбекистон шаҳри Тошканд аз 12 то 14 ноябр идома меёбад, ки дар он беҳтарин варзишкорони ҷаҳон ширкат мекунанд.
Бунёди ҷоизаи ин мусобиқа 231 ҳазор долларро ташкил медиҳад. Қаҳрамонони ҷаҳон чаҳор ҳазор доллар, барандагони медалҳои нуқра ва биринҷӣ мутаносибан се ҳазор ва ду ҳазор доллар дарёфт хоҳанд кард. Дар ин мусобиқаи ҷаҳонӣ ширкати варзишкорони 50 кишвари дунё дар назар аст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала