Солеҳ гуфт, толибҳо тавоноии кашфи мукотибот тариқи паёмрасонҳоро надоранд

© Пресс-служба правительства АфганистанаАмрулло Солех, заместитель президента Афганистана
Амрулло Солех, заместитель президента Афганистана - Sputnik Тоҷикистон, 1920, 12.11.2021
Обуна шудан
Амруллоҳ Солеҳ, собиқ ноиби аввали раисҷумҳури Афғонистон мегӯяд, толибҳо тавони кашфи суҳбатҳо тариқи паёмрасонҳоро надоранд
ДУШАНБЕ, 12 ноя — Sputnik. Ноиби раисҷумҳури пешини Афғонистон гуфт, толибҳо қодир нестанд, WhatsApp, Signal, Viber, Messenger, Email ва дигар васоили иртиботро пайгирӣ кунанд.
Солеҳ бо нашри як паём дар фейсбук гуфт, ҳатто агар Покистон ва ягон кишвари дигар ба ин гуруҳи тундрав ин имконро доданӣ бошад ҳам, дар ҳоли ҳозир ин кор айриимкон мебошад.
Ӯ дар хитоб ба шаҳрвандони Афғонистон гуфтааст, аз суҳбату паёмрасонӣ дар бораи ситаму бедодгариҳои толибҳо натарсанд. Вай барои масунияти бештар маслиҳат додааст, ки баъди пас аз мубодилаи паёмҳо барои амнияти иловагӣ таърихчаи паёмҳо тоза карда шаванд.
Амруллоҳ Солеҳ таъкид намудааст, ки толибҳо бо эҷоди фазои тарс ва муболиға дар бораи қобилиятҳои иктишофии худ мехоҳанд ҷараёни паҳнсозии иттилоотро дар бораи ваҳшоният ва бадрафторӣ коҳиш диҳанд.
Движение афганского сопротивления на страже в провинции Панджшер - Sputnik Тоҷикистон, 1920, 12.11.2021
Нашри навори яке аз фармондеҳони Ҷабҳаи муқовимат баъди даъвои толибҳо
Ба гуфтаи собиқ ноиби раисҷумҳур, ягона дастгоҳи нимтайёре, ки толибҳо дар ихтиёр доранд, метавонад барои пайгирӣ кардани СМС ва суҳбатҳои мустақими телефонӣ истифода шавад, ки ин шеваи иртиботро дар Афғонистон кам кор мебаранд.
Бо зикри ин нукта Солеҳ даъват кардааст, ки шаҳрвандон дар фош кардани аъмоли золимона ва ситами толибҳо бидуни тарс фаъол бошанд.
Амруллоҳ Солеҳ собиқ ноиби аввали раисҷумҳури Афғонистон мебошад, ки баъди фирори Ашраф Ғанӣ, раисҷумҳури пешини Афғонистон дар нимаи моҳи августи соли равон, худро роҳбари қонунии давлат эълон карда, таъкид намуд, ки алайҳи ин гурӯҳи тундгаро то охир мубориза хоҳад бурд.
Толибҳо нахуст қисматҳои марзии Афғонистонро ғасб карда, баъдан ба маркази музофотҳо гузаштанд ва аллакай 15 август вориди Кобул шуда, аз ташкили аморати ба ном исломӣ хабар доданд. Ҷомеаи ҷаҳонӣ аз ин гурӯҳи тундгаро талаб дорад, ки ҳукумати ҳамашумул ташкил кунад, ҳуқуқи инсонро риоя намояд ва иҷозат надиҳад, ки Афғонистон ба манбаи терроризму қочоқи маводи мухаддир мубаддал шавад.
Лентаи хабарҳо
0