Толибон ҷавонеро барои гӯш кардани мусиқӣ дар Бадахшони Афғонистон куштаанд

© PixabayЧеловек держит мобильный телефон в руках, архивное фото
Человек держит мобильный телефон в руках, архивное фото - Sputnik Тоҷикистон, 1920, 12.11.2021
Ҷавон дар пайи латукӯби ҷангҷӯён дар роҳ ба беморхона ҳалок шудааст
ДУШАНБЕ, 12 ноя — Sputnik. Толибон як ҷавони 19-соларо барои гӯш кардани мусиқӣ ба қатл расонидаанд
Ҳодиса дар деҳаи Заргарони ноҳияи Ишкошими вилояти Бадахшон рух додааст, хабар медиҳад рӯзномаи "Ҳашти субҳ"-и Афғонистон.
Ба иттилои манбаъ, ҷавони кушташуда Воҳидуллоҳ ном дошт ва нав мактабро хатм карда буд.
Воҳидуллоҳ ҳангоми гӯш кардани мусиқӣ бо телефони ҳамроҳ аз сӯйи толибон кушта шуд.
Ба гуфтаи манобеъ, толибон нахуст телефони мобилии ӯро хостаанд ва пай бурдаанд, ки ӯ мусиқӣ гӯш мекунад, ӯро латукӯб кардаанду сипас куштаанд.
Манобеъ ба рӯзнома гуфтаанд, ки ин ҷавон бар асари хунравии шадид дар роҳ ба бемористони вилояти Файзобод ҷон додааст.
Аммо мақомоти ҳукумати таҳти раҳбарии толибон то ҳол дар ин бора изҳори назар накардаанд.
Барбершоп, архивное фото - Sputnik Тоҷикистон, 1920, 01.11.2021
Тарошидани риш дар бархе аз манотиқи Афғонистон ҳаром эълом шуд
Илова бар ин толибон дар баъзе вилоятҳо тарошидани риш ва кутоҳ кардани мӯйи сар бо усули ғарбиро манъ кардаанд.
Қаблан низ хабарҳо расида буд, ҷангҷӯён дар Бадахшон ва баъзе аз вилоятҳои ин кишвар гӯш ва навохтани мусиқиро мамнуъ эълон карда, афродеро, ки мусиқӣ гӯш мекунанд ё менавозанд, мавриди таъқиб қарор медиҳанд.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала