Билл Гейтс поёни пандемияи коронавирусро пешгӯӣ кард

© AFP / GABRIEL BOUYS Билл Гейтс
Билл Гейтс - Sputnik Тоҷикистон, 1920, 19.11.2021
Муассиси "Microsoft" пешгӯӣ кардааст, ки КОВИД дар соли 2022 аз ҳисоби рушди масуният ва эҷоди доруҳои нав барои инсоният камтар хатарнок мешавад.
ДУШАНБЕ, 19 ноя — Sputnik. Соҳибкор ва арбоби ҷамъиятии амрикоӣ Билл Гейтс зимни суханронӣ дар Форуми нави иқтисодии Майкл Блумберг гуфт, ки пандемияи коронавирус дар ҷаҳон кай ба поён мерасад.
Вай гуфт, шумораи ҳолатҳои вазнини COVID-19 ва сатҳи марг аз ин беморӣ бояд то тобистони соли 2022 коҳиш ёбад.
Гейтс бовар дорад, ки ба ин ташаккули масунияти табиӣ ва ваксина мусоидат хоҳад кард. Илова бар ин доруҳои шифобахш барои коронавирус низ натиҷаҳои хуб дорад.
Вакцина от коронавируса, архивное фото - Sputnik Тоҷикистон, 1920, 18.11.2021
Коронавирус дар Русия ва ҷаҳон: охирин хабару гузоришҳо
Чаро мардумро фиреб медиҳанд: панҷ афсона дар бораи ваксинзанӣ алайҳи коронавирус
Аммо дар айни замон муассиси "Microsoft" тавзеҳ дод, ин имконпазир хоҳад буд, ба шарте ки навъҳои нави КОВИД дар ҷаҳон пайдо нашаванд.
Дар маҷмуъ вай пешгӯӣ мекунад, ки сатҳи умумии сироят ва фавт аз COVID-19 метавонад ба ҳисоби миёнаи зукоми мавсимӣ бирасад.
Норасоии ваксина низ то соли оянда пурра ҳал хоҳад шуд, гуфт Гейтс.
Тибқи ҳисобҳои соҳибкор, талабот ба доруҳои ковидӣ дар Африқо метавонад афзоиш ёбад ва ин барои давлатҳо душвор хоҳад буд.
Дар навбати худ Билл Гейтс ваъда дод, ки барои ҳалли ин мушкилот ҳама кори аз дасташ меомадаро мекунад ва гуфт, ки доруи зидди коронавирус аз "Merck" арзон хоҳад буд.
Билл Гейтс - Sputnik Тоҷикистон, 1920, 13.11.2021
Бозиҳои микробӣ: Билл Гейтс хатари навро барои инсоният пешгӯӣ кард
Нархи пешакии он аз 8 доллар зиёд нест, ки ин дору барои ҳар касе, ки бо вирус дучор шудааст, дар дастрас қарор мегирад.
Миллиардер инчунин аз ҷаҳониён даъват кард, барои коҳиши хатари пандемияҳои нав муборизаи ҷиддӣ баранд.
Ёдовар мешавем, ки Билл Гейтс ва ҳамсари собиқи ӯ Мелинда як фонди хайрияро роҳбарӣ мекунанд, ки барои эҷоди ваксинаи зидди коронавирус миллионҳо доллар ҷудо кардааст.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала