Раҳмон бо намояндаи олии ИА ҳамкориҳои тиҷорӣ ва амнияти минтақаро баррасӣ кард

© Официальная страница пресс-службы президента РТ в FacebookПрезидент Таджикистан Эмомали Рахмон встретился с Верховным представителем Европейского Союза по иностранным делам и политике безопасности Жозепом Борреллем
Президент Таджикистан Эмомали Рахмон встретился с Верховным представителем Европейского Союза по иностранным делам и политике безопасности Жозепом Борреллем - Sputnik Тоҷикистон, 1920, 23.11.2021
Эмомалӣ Раҳмон бо Ҷозеп Боррелл ҳамкориҳои Тоҷикистон бо Иттиҳоди Аврупоро баррасӣ кардааст.
ДУШАНБЕ, 23 ноя — Sputnik. Президенти Тоҷикистон Эмомалӣ Раҳмон зимни мулоқот бо Ҷозеп Боррелл, намояндаи олии Иттиҳоди Аврупо дар умури сиёсати хориҷӣ ва амниятӣ таъкид доштааст, ки густариши ҳамкории ҷонибҳо ба пешрафти кишвари мо ва тамоми минтақа минбаъд низ мусоидат хоҳад кард, хабар медиҳад дафтари матбуотии раёсатҷумҳурӣ.
Ҷонибҳо зимни мулоқот масъалаҳои таҳкими ҳамкорӣ дар бахшҳои сиёсӣ, тиҷоративу иқтисодӣ ва иҷтимоӣ, сармоягузорӣ ва татбиқи амалии лоиҳаҳои судмандро дар соҳаҳои мухталифи гуманитарию фарҳангӣ, бахусус маориф, тандурустӣ ва рушди маҳал муҳокима намуданд.

"Зимни баррасии заминаи ҳуқуқии муносибатҳо барои таҳкими минбаъдаи робитаҳо имзои Созишномаи мукаммали ҳамкорӣ ва шарикии Тоҷикистону Иттиҳоди Аврупо зарур шумурда шуд", - афзудааст манбаъ.

Дар мулоқот ҷонибҳо ба густариши масъалаҳои бахшҳои иқтисодӣ, тиҷоратӣ, сармоягузорӣ, афзоиши содироту воридот, таваҷҷуҳ зоҳир карда, дар ин зимн тасмим ва ҳавасмандии Тоҷикистон дар бораи пайвастан ба Низоми имтиёзҳои гумрукӣ дар содироти молу маҳсулот ба Аврупо махсус таъкид гардидааст.
Пресс-конференция Жозеп Боррелль и Сироджиддин Мухриддин - Sputnik Тоҷикистон, 1920, 22.11.2021
Аз оташбаси Панҷшер то содироти мол ба Аврупо: Муҳриддин аз натиҷаи мулоқот бо Боррел гуфт
Мавзуи дигар мулоқоти Раҳмон ва Боррелл амнияти минтақа ва Афғонистон будааст.
Ба талошҳои судманди муштараки ҷонибҳо дар ин арса, бахусус таҳкими ҳифзи сарҳади Тоҷикистону Афғонистон тавассути татбиқи барномаҳои БОМКА ва КАДАП, сохтмони роҳҳои мошингард, пул, хатти интиқоли барқ ва бунёди иншооти дигар дар манотиқи марзӣ бо ин кишвар низ таъкид гардид.
Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала